🌻الكتاب حلو جدا وعجبني ودسم وكنت مش متوقعة ده أبدا حقيقي مهم وفيه معلومات كثيرة جدا وأنا واحدة بحب التاريخ أوي بس مش بحب الكتب بفضل الروايات أو الكتب اللي أسلوبها سردي زي الروايات كدة زي الكتاب ده 😍
🌻الكتاب توليفة مميزة جدا يعني أدب رحلات مع مقتطفات من سيرة ذاتية مع تاريخ والإنتقال ما بينهم سلس جدا وأسلوب أستاذة نهي حلو واللغة سلسة وبسيطة مش متكلفة ولا معقدة وعجبني إنه مدعم بالصور وأجمل حاجة إن روح أستاذة نهي موجودة في كل تفاصيل الكتاب ووصفها اللي بيوصل كل حاجة وكأني كنت معاهم.
🌻من أغرب المعلومات اللي عرفتها من الكتاب إن متحف اللوفر بيغلق كل ثلاثاء وإن فيه أهرامات من زجاج.
وإن فرنسا كانت هتاخد المسلتين أصلا بس بسبب صعوبة نقل المسلة الأولى اللي هي في باريس حاليا لم يتم نقل الثانية الحمد لله 🤲🏻