ما أحلى الرحلات وماأمتع السفر
الرحلات عشق يتشاركه الكبير والصغير فماذالو كانت الرحلة إلى باريس عاصمة النور، سيأخذنا هذا الكتاب فى رحلة سحرية مع كاتبة تتقن مهارات الإرشاد السياحى فن الحكى الممتع وجذب أسماع الحاضرين مع سعة معرفة تاريخ ماتصف من أماكن قديمة وجميل الحديث عن الأماكن الحديثة
أو مرشدة سياحية تتقن مهارات الكتابة و تمتلك قلما سحريا وقدرة على تحويل صفحات الكتاب إلى بساط سحرى .
#بلورة_الأمنيات_مع_نهى_عودة
⭐بنوتة مصرية شاطرة حولت رحلة عيد جوازها لباريس لذكرى لاتنسى لماعملت منها كتاب يعيش طول العمر ، شاركتنا التفاصيل والصورو الأفكار والمشاعر وتاريخ المبانى والاحداث وكمان الصعوبات والمشاكل والصدمات اللى واجهتها فى الرحلة دى، بأسلوب ممتع وجذاب وقريب كأنها صاحبتنا اللى جمعتنا حواليها فى دايرة تحكيلنا مغامرتها هى وجوزها وابنها وتسعدنا معاها بأمنية حققتها وتسعدنا بسفرنا معاها فى صفحات الكتاب
⭐ إهداءها الكتاب لشه..داء غ..زة حسيت بالإمتنان
وكلامها عن أمنياتها وعلاقتها المحبه بزوجها خط.فت قلبى.
⭐ من وأنا صغيرة بلعب مع نفسى لعبة الفانوس السحرى كل اما يزورنى الأرق أدعك الفانوس يطلع المارد وشبيك لبيك ليكى ٧ أمنيات أفضل أعد فيهم لحد ماأنام ، الأحلام حياة مااعرفش ازاى ممكن حد يكون عايش من غير مايمتع نفسه بيها أو حد عايش حارم نفسه منها وأمنياتى كتير منها إنى نفسى أحج وأوصل فى القراءة لعدد ألف من الكتب .
⭐معلومات صدمتنى وأثارت إستغرابى فى الكتاب أن قصة حب نابليون و جوزفين ماهى إلاقصة شقاء وجفا وحب من طرف واحد
وأن الدمية باربي مقتبسة من دمية لعوب ماكنش هدف توجيهها للأطفال وأن المسلة طلعت مهداه مش مس.روقة وأن لوحة الموناليزا اللى بتخوفنى طلعت صغيرة فى الحجم قوى وأنها معمولة بتقنية اسمها سوفوماتو اللى بتخلى الصور المرسومة كأنها حقيقية وأن برج إيفل فى أول إنشاؤه اتوصف بأنه بناء مربك ومشوه وكان هيتم تفكيكه والاستفادة من الحديد وإن اسم ايفل مجرد اسم تم اختراعه مش اسم حقيقى لعيلة .
😃من الخواطر الطريفة / استنادا على معلومات الكتاب
لما قرأت أن برج ايفل يضاء ب ٢٠ ألف مصباح فى رأس السنه ( أنا عرفت مين أكل الجبنه - أنا عرفت مين خلص الكهربا 😂)
ولما قرأت إن جوستاف إيفل له شقه سرية بالبرج
( لما حماته تسأله هتعيش بنتى فين أنا بنتى لازم تعيش فى أحسن مكان فى فرنسا
جوستاف: أنا هعيشها فى برج ايفل نفسه 🤣)
💗معلومة أسعدتنى هى قصة مصادفة اختراع الكريب