أنتهيت لتوى من رواية آخر من يمكن قتله 😍

ومع انى عرفت أربط بين أحداث الماضى بالحاضر وتقريبا توقعت ميين آخر شخص يمكن قتله إلا انى كنت مستمتعه جدا جدا طول قرأتى للأحداث

يمكن رواية الفصل الاول للجريمة بسببها قدرت اتوقع مجرى أحداث الرواية دى إلا انى فعلا لاقيت اختلاف تام بين الروايتين وتطور واضح جدا فى إبداع الكاتبه مع كل رواية جديده 👌

الغلاف كالعادة تحفة فنية لوحده ووقفت قدامه كتير قبل ما ابدأ قراءة عشان احاول استشف منه الاحداث إلا ان نظرتى له اختلفت جدا بعد ما خلصت الرواية وعرفت قد إيه أبدعت المصممه فيه تسلم إيديها بجد 👏👏👏

تقييمى للرواية خمس نجوم 💖💖 مع ان لسه فى أسئلة جوايا كانت محتاجه لإجابة بس افضل تكون بينى وبين الكاتبه عشان محرقش احداث الرواية لاى حد هيقرأ مراجعتى دى

تسلم ايدكى يا يارا بجد أستمتعت جدا مع أحدث اصداراتك وهفضل ديما فى انتظار كل جديد

دمتى مبدعة 🌷🌷

بقلم

ولاء القوصى