سيد و العصابة
مين هو سيد الاقحواني ؟
و ايه هي اصلا ارض الاقحوان ؟
و ايه سر الغابة و سر العهد القديم مع حيوانات الغابة ؟
بس كده لا مين هما افراد عصابة سيد ؟
-قراءة جديدة و مغامرة مع قلم اول مرة اقرا له .
-بصراحة انا العمل ده من مدة كبيرة بفكر فيه و كل مره اجي ابدا فيه ارجع في كلامي و اقول بعدين لكن بصراحة انا كنت غلطان لاني العمل لذيذ جدا .
-رواية فانتازيا حلوة و رايقة و شايف انها ممكن تكون مناسبة كمان لليافعين
- في راي المتواضع اني الكاتب ولاء كمال قدر يحطني في جو العمل و يفهمني عالم ارض الاقحوان في 10% من العمل من غير رغي و حشو كتير .
- اختيار الاسماء كان حلو جدا في العمل .
- قدرات سيد و عصابته كانت حلوة و ضافت للعمل .
-اكتر من مرة افتكر اني العمل هيروح في سكة كلاشية لكن استاذ ولاء يضحك عليا و بصراحة ما توقعتش خالص التطور اللي حصل في نهاية العمل .
- لغة العمل حلوة و في بعض التفاصيل الصغيرة الكاتب اختار ليها تشبيهات حبيتها جدا .
- لو هقول اني في حاجه ناقصة في العمل هو اني كنت احب اعرف ايه حصل ل اهل سيد و ايه سبب اختفائهم .