انا معرفتش اكمل العمل والله وصلت لحد ٨٠٪ وكان فاضل حوالي ٤٠ ص بس فعلا مقدرتش وصل بيا الملل وعدم الاهتمام لأبعد درجة ممكنة
قكرة العمل والنبذة بتاعته تشد، بس للاسف جاء التنفيذ ملل وملئ بالتقريرية في السرد، السرد الخالي من السينمائية او الوصف المقبول علي الاقل!!
يوسف شاب في بداية جوازه مع شذا وبيحبها جدا وفرحهم قريب لكنه واقع في مشكلة وهي ببساطة ان عيلة ابوه مقطعينهم من فترة بسبب خلافات، وهو قرر انه يحل المشاكل عشان عايزيهم يحضروا فرحه..
جميل اوي!! وتحمس القارئ انه يكمل ويشوف الأحداث هتمشي ازاي، وفعلا الرواية في الاول كانت ماشية كويس..لكن.. بعد كدا
الاحداث بقت ذات طابع بطئ ومقرر بدون اي تجديد او دفعة لقدام، وانت كقارئ بقيت عارف العمل هيخلص ازاي
والسبب الرئيسي بقا الي كرهني في العمل هو اسلوب السرد التقريري!!
كأنك بتقرأ مقال طويل!!