📌نقابل ناس 🤝نفارق ناس 👋وماشية الحياة عادى 🤷♀️
حال الدنيا بيتغير ما بين الثانية 🕑 والتانية 🕒
وده حال كوش كو 👳🏾♀️
من بداية رحلته فى الحياة
لما خلعه الخال من حضن الأهل
والأخوات وبلدته اللى كلها دفء وحنان
و أخده للأشغال فى دوامة 🌀 الحياة
ما هو ده قدرنا يا كوش وديه شغلتنا
اللى مكتوبة على أولادنا اللى من نفس اللون 🤷🏻♂️
و هو ماله اللون 🤔
ليه يحكم عليا أنى أعيش دور غير اللى فى دماغى أنى أكونه
مش شايف نفسى فيه 😔
طيب ما بإيدك تغير المصير بس البداية لازم هتكون من ريسبشن الأوتيل 🏨
وأنت وشاطرتك بقى يا كوش
يا تبقى مجرد حمال شنط 💼 للضيوف
أو سفرجى بتقدم الشراب 🍸 للضيوف
يا تزداد معرفة ويبقى ليك دور
شوف أنت هتقابل مين على مدار السنين
وهتاخد من كل شخص ايه 💁🏻♂️
تزود به رصيدك المعرفى 🧐اللى أنت متيم أنك تحوش فيه…🤷♀️
📌وبس كده ده الموضوع ببساطة فى الريڤيو
لكن فى صفحات 📑 الرواية 📕الموضوع غير
رواية دسمة وغنية بمعلومات كتير 📖
محتاجة تركيز 🤓فى كل تفصيلة وحدث
ولا الشخصيات اللى هيقابلها صاحبنا ديه لوحدها تدرس ✍️
أرهقت من كم المعلومات صحيح بس ربط الأحداث والشخصيات اللى اتفاجئت فى الصفحات قدام أنهم مش مجرد أسماء وهيعدوا قوام ويرموا السلام 👋 لأ خالص كل شخصية ذكرت ليها دور كبير وفى مجالات مختلفة كتير
يعنى نوعت يا " ولاء " 😄 فى الشخصيات اللى عديت كمان مش عيشتنا فى جو واحد طول الصفحات
اخدت منى وقت فى القراءة كتير يمكن علشان أنا واحدة بفقد التركيز ومش نوعى كمان اللى متعودة عليه لكن الرواية تستاهل فعلا تركز فيها وتاخدها على الهادى علشان تهضم كم الأحداث اللى فيها 😋
اتبسطت بها وحبيت شخصية كوش كو اتعاطفت معاه وزعلت عليه لأسباب كتير لما تقروها هتعرفوا أنا قصدى ايه 😊
#مكتبة_دنيا
#قراءات_٢٠٢٤