الرواية بتعرض صراع مستقبلي بين مجموعتين من البشر باستخدام كل الوسائل من دهاء وتجسس لتكنولوجيا متقدمة، بتكشف عن عقل الإنسان وتركيبه الهش وفشله في قبول الاختلاف.
رواية مميزة من أول صفحة. فكرتها جديدة وجاية في وقتها خصوصًا مع مخاوف العالم من سيطرة الذكاء الصناعي على المستقبل. كمان بتعكس تأثير التكنولوجيا على الحياة الاجتماعية والاستقطاب اللي بيحصل في العالم حسب الانتماءات السياسية والعرقية.
زي ما عودنا فادي زويل مؤلف مديوكر، بينقل القارئ بسرعة بين الأحداث، بيخليك متشوق تعرف هيحصل إيه.
في النهاية، “حرب الزانون” مش بس قصة خيال علمي عن المستقبل، ده كمان تحذير لينا النهاردة عن الطريق اللي ممكن نكون رايحين فيه لو استمرينا في تجاهل الاختلاف وعدم القدرة على التعايش. رواية تستاهل القراءة والتأمل.