طعم البعاد صبار 🌵 والغربه ليل 🌙 بهتان
يا قلبي يا موجوع 💔اياك تكون قلقان 😬
انا مش في بلدي عويل 😞 لكني مش بتشاف🫣
زهرة سنيني عجاف 🍂مع اني ليا عزيز 🤴🏻
افتوني في رؤياي 💭 لموا الاماني ازاي 📝
حطوها ع الباسبور 🪪 احلامي صبحت بور 😞
ممنوع عليها الضي ✨ لكني مش قلقااان 🤔
تذكرتي رايح جاي 🎟️
تعلن خطوط أمنية شفيق
عن الإقلاع 🛫 بـ 1️⃣2️⃣قصة عن الإغتراب روحنا وجينا مع الراحلين
بس رحلات مش ترفيهية أكيد
ديه خطوط محملة بالقاسية
واخدة معاها أحلام لناس معرفوش يحققوها فى بلادهم لأسباب
ممكن ضيق حال والإمكانيات
هروب من شىء ما🏃♀️
أمل فى مستقبل أفضل قدام
تعددت أسباب الفراق بس الحزن واحد
غربة يتبعها حنين ما بنعرف لمين ولا لإيه 🤷♀️
اوعى تكون فاكر اللى متغرب مرتاح حتى لو عيشته هناك تمام 👌🏻
فيه حاجات مفتقدها هذا الكائن المحتاس ما بين عيشة هنية لكن اللقمة مش هتكفى مية ولا حاجة ده يادوب تعيشه هو بالعافية عيشة إلى حد ما سوية
ولو ماديا متظبط هتلاقيه نفسيا متكحرت
مفتقد دفء الأهل ولمة العيلة
ونس الاخوة و غالبا الصحبة
بيقولوا عليهم منسيين
ولا فى فرح ولا حزن مشاركين
هو كان بمزاجهم يعنى يكونوا مفارقين
مش الظروف اللى اضطرتهم للبعاد
هو لو كان عليهم كانوا فضلوا فى الجوار …
لكن ما ننكرش أن فيه جزء منهم مختار الفراق بمزاج وعامل عيلة وونس هناك
لكن ماطلعوش معانا فى رحلات أمنية 😄
هى مختارة مسافرينها بعناية علشان توجع قلبنا بزيادة 🤦🏼♀️ بس بمنتهى الصراحة أمنية عليها إحساس يوصلك أنها صاحبة كل قصة ذكرتها فى الكتاب 📕 وديه أحييها عليها كلامها بيطلع من القلب ويرشق فى قنواتك الدمعية 😢
وأحب أقولها أنى خلصتها فى كام لفة فى التراك 😁
📌هل تعلم يا صاحبي أننا نعود كل ليلة من أعمالنا نكاد نمضغ اللقمة ونحن نائمون، كل تلك الفوضى التي تراها من المرة أو المرتين التي نحاول فيها أن نصنع طعامًا يُعيدنا لرائحة أمهاتنا وبيوتنا في مصر 🇪🇬
#مكتبة_دنيا
#قراءات_٢٠٢٤