#صفر_اليدين
#جيهان_سرور
اولا عاوزه ادعي لأبجد و للقائمين على ابجد عشان خلو الدنيا ابسط و اسلس كتير
و حقيقي انا مستمتعه بيه جدا
ثانيا بقى نتكلم عن الروايه، انا حسيت اني بتفرج على عمل درامي متكامل الاركان
وصف لكل شخصيه
وصف لطريقة معاملة المحيطين بيها معاها
و احداث بتتعقد مع كل صفحه
و كل ما تتعقد تحلها الكاتبه ، فيبقى عندنا امل
يصعب عليها ان القارئ الغلبان بقى عنده بارقة امل ترجع تاخد منه البارقه و تخليها عتمه،،
رواية بتدي دروس كتير للي بيعندو مع الاقدار
بس حقيقي الدرس الي انا شيفاه اكبر و اهم للي بيزقهم يعملوا كده
اظن مقترف الذنب مش مفروض يتحاسب لوحده، لازم يتحاسب معاه الي مخلاش قدامه حل غير انه يعمل الذنب ده
للي سفه منه و شافه قليل فقرر انه يثبت نفسه بانه يحلها مش مهم يحلها ازاي بس يحلها و خلاص..
انا بكره الناس الي بتزقنا نعمل حاجات و تبان في الاخر بريئه و احنا الي مذنبين
و كان نفسي اقول اني انهيتها في جلسه واحده و كده بس هبقى كدابه لان اطفالي الاحباب مش بيسيبوني انهي كوباية الشاي في جلسه واحده اي و الله
بس يكفي اني اقول انها اقل حاجه خدت مني وقت ❤️❤️❤️