ذهب الأبناء و انقضى الشباب و بقيت الوحدة للزوجين في شقتهما الصغيرة المكونة من غرفتين و صالة و التي كانت تضج بالناس و الحياة و الحركة و كثيرا ما ضاقت عليهما و تمنوا أن لو كانت أكبر و لو قليلا ثم أصبحت الأن واسعة جدا على العجوزين اللذين غزاهما الشيب و لم يبق لهما الا اجترار الذكريات. ثم تلخصت القصة كلها في أحدهما فقط وسط نفس الحجرتين و الصالة.
شوفي حضرتك: أنا ضيعت ستين سنة من عمري على الأقل و أنا عندي أسئلة من هذا النوع. نفسي أسألها و لا أقدر. لأني كنت محرج. و دي مأساة يا هانم. و الدليل هو اللي حصل دلوقت. هل فيه أي ضرر أصاب حضرتك من السؤال؟
ربنا ميجبش حاجة وحشة.
علشان كده أنا قررت من ساعة وفاة الحاجة إن أي سؤال يشغل بالي لازم أسأله على طول. و انتي كمان .. أي سؤال يشغل بالك اسأليه. دي نصيحتي ليكي. السؤال مش عيب. السؤال عيب؟
أبدا.
أشكرك. سلام عليكم