انا مليش تجارب كتيرة مع الروايات الاجتماعية، لكني قررت اتصفحها من باب الفضول، لحد ملقيت نفسي بخلصها من غير ما احس.
"الرواية" مكتوبة بصدق وتصديق، وده السر في انها بتوصل علطول وتتحس. اتسببت ليا في مشاعر مختلطة من الارتباك، الخجل والحيرة، عشان شوفت مواقف عشتها بتتحكي قدامي، والغريب ان فيه جمل اتقالت بالنص. اوقات كنت الجانب الضعيف واحيانا القوي، وده خلاني متوتر وبفتكر في حاجات كتير. اخر كام صفحة وتحليل البطلة للي مرت فيه عجبني جدا، واستفدت به.
واتمنيت بشدة ان قبل ما اوصل لاخر صفحة اشوف سامر بيتكسر، وبيخسر كل حاجة .
أما الربط بعالم الحيوان والامثلة المستخدمة فعبقري، ومثير للفضول.الرواية تجربة ممتعة جدا، وناوي اكمل باقي اعمال الكاتبة.