كتاب بلا هوية واضحة. لا تفهمو مذكرات و لا تفهمو يوميات. الشخصيات تتحرك في فضاء فارغ بلا خلفية واضحة و اكأنها تعوم في الشايح. لا وصف للاماكن الي تسكنها و لا للمناخ العام سواء الاحتماعي او السياسي الي يحيط بيها. شخصية نور كلها تناقضات. فتاة نشأت مع أب مثقف شجعها على القراءة و لكنها كتاب كامل ما عندهاش حتى حوار عميق او ذو معنى خاصة مع أمها. تتنقل من راجل لراجل و من فرش لفرش و تحكي على متعتها من غير ما وصفتلنا حتى مرة غرفة النوم و الفراش لأنو الي نعرفو انو النساء الذكيات و اللي جنسيا ناشطات يعطيو قيمة كبيرة للتفاصيل. كتاب اراد ان يكون رواية فجاء رؤوس أقلام بلا تفاصيل. و انا نقرى فيه حسيت بعض الغيرة من نجاح فاتن الفازع و رغبة في الحصول على نجاح فيفتي شايدس اوف غراي. لم اقرأ الروايتين خاطرهم موش جوي اما نعرف الفوعة الي رافقتهم و قريت بعض مقطتفات على الفايس بوك. اكيد شكري المبخوت متبعهم و معحب بتجربتهم.
سي شكري عندي ليك نصيحة خوذها من مرا اصيلة الشمال الغربي و مازلت كيف عملت الاربعبن. خليك في جو الطلياني و السيد العميد في قلعته تخاف اتبع مشية الحمام تنسى مشيتك.