" لسه الأمانى ممكنة "

لكن أحمد المرسى بيقولك مش كل الأمانى سهل تحققها 👇🏻👇🏻

📌إن الأمنيات مثل خيول 🐎السابق، يمكن أن يعيش الإنسان طوال عمره يراهن عليها ، وهو يعلم أنه سيخسر، لكنه لا يملك مع شوقه للفوز إلا أن يفعل ذلك، دون أن يفقد الأمل.

فيه أمانى خطرة وفى الإصرار للوصول ليها

هتتعب وتتعب غيرك لكن لو استسلمت من البداية وبصيت للى فى ايدك 🤚🏻فى الحال وما طوعتش دماغك 🤔اللى مسوحاك فى بعض الأيام ممكن تلحق تحقق جزء منها

📌هل يمكن أن تخرب أمنية حياة إنسان❓

هل تستحق الأمنيات البعيدة كل تلك المخاطرة❓

بس الإنسان بيحب ساعات يصعب على نفسه الأحلام زى ما عمل صاحبنا " سليم " قرر ياخد أبعد طريق وكله علشان الإيجو بتاعه هيضيع

ولا " مرعى " اللى أحلامه كلها فهلوة فاكر شطارته وشغل البهلوانات هينفعه ويطول فى يوم النجوم ويبقى من ذوى الأوتوموبيلات يعنى هو ما يشبهش هو كمان شوية ترويق على نفسه وتظبيط ويبقى من أحسن البهوات اللى مغرقين السرايات..

عايز تحضر سباق 🐎 وتدخل المضمار وتنزل تشوف بنفسك الرهانات يبقى ادخل رواية مقامرة 🎰 على شرف الليدي مبتسى

هترجع للخلف سنين كتير كتير ١٩١٩ والإنجليز المحتلين بس ملناش دعوة هنا بالسياسة الكاتب خدنا فى حتة تانية وشغلنا بها هتحس نفسك قاعد فى وسط المراهنين ومتحمس للسباق بس افتكر أنك بتتفرج بس ومتدخلش فى الرهان 😄

شجع معانا من المدرجات ياترى الفوز لأى حصان 🐎 واسمع قصص المراهنين هتلاقى منهم الغنى والفقير

اللى داخلها تسلية ولعب وهزار وكله من فلوس Papa 👴🏼

واللى داخلها على أمل الفوز وشقلبة الحال 🤲🏻

📌 خيل 🐎 بتجرى ونفوس جعانة.

ومن خلال الشخصيات هتعرف كل واحد أحلامه كانت ايه وياترى وصلها ولا خسر الرهان وراحت الأحلام

📌أصبحت أرى أن الحقيقة المؤلمة أفضل بكل السبل من الوهم المريح.

رواية جميلة الأجواء حسيت أنى دخلت فى عالم " سليم ومرعى وفوزان " شوفت الشوارع واتكلمت معاهم بطريقتهم ولهجتهم واستعملت مصطلحتهم ومش بعيد تصيبك عدوى من طريقة كلامهم 😁 مشاهد مرسومة ولا كأنها لوحة 🎨

وبالرغم أن القصة بسيطة لكن الأجواء العامة والشخصيات عاملوا حالة حلوة اتبسطت بها 💙💙 حسيت أنى بتفرج على كلاسيكيات الأفلام 💙

#مكتبة_دنيا

#قراءات_٢٠٢٣