نركب آلة الزمن ⏳ونرجع بها كتير لورا

لزمن مختلف فيها الحكم هو هدف الكل

بيطمع فيه كل من هب ودب

من صغيره 👦🏻لكبيره 🤴🏻

فتن ومكائد وتدابير تطير فيها الرقاب ⚔️

مش مهم ده ابنى ولا ابن عمى

كله هيطول من الشرور 😈

وانت يا بوسف كنت من المقربين لبلاط الأمير

وشوفت بعينك ظلم بعض الامراء والمحيطين حتى الحراس مش مضمونين

فيهم اللى لو زغللت عينيه بـ حرية من اللى بيحلم بها هيبيع سيده بقصوره 🏰

ما هى الحرية تستاهل اخون ومش مشكلة نصرت ظالم أو بيعت مظلوم

ويوسف بن صدقة نابه كتير من اسكندرية لقوص للفسطاط داير بين الولايات

شوية هروب وشوية موالاة

لكن أصيل مابيعرفش يسيب حد محتاج له

حتى لو فى وقفته ضرر عليه

بدل فى عهدته يبقى لازم يحافظ عليه

رحلة ممتعة بين القصور والولايات هتلاقى فيها كوليكشن من الحكايات متبقاش عارف تصنف العمل ازاى تاريخ هتلاقى قصص من البلاط رومانسية هادية على دراما 🎭 يعنى خليط هتعيش فيه

لوحة فنية 🖼️هتشوف رسمتها 🎨 أحداث قدامك

هتتخيل شكل أبطالها وتعيش وتتعاطف معاهم

وهيبقى نفسك تسحبك الأحداث وتمشى معاهم فى الطرقات بس خلى بالك لـ يمسكك الحراس

وتتحط فى خزانة 🗄️ ما أحسن يا ستار على اللى ايده تيجى تحت " عنبر " بالذات..

وأنتِ يا " وسن " خطفتى قلبى بطيبتك وايمانك بفكرك واصرارك على هدفك ده غير محبتك فى قلوب كل مين يقرب منك ويعاشرك

روح الأمومة فيكِ وده اللى جذب يوسف ليكى حس معاكِ بالأمان واطمن على " دميانة " بين ايديكِ ما أنت فيكِ من " ورد " وحنيتها ونفس براءتها..

وشخصيات كتير هيقابلوك حتى لو كان مرورهم على أنهم ضيوف فى أحداث الرواية لكن دورهم ساب علامة 🪧

للاسف اضطريت اركب تانى آلة الزمن وارجع تانى لزمنى مع كلمة " تمت "..

#مكتبة_دنيا

#قراءات_٢٠٢٣