"عن رواية سبيل لسمر حمدان"

من فترة لا بأس بها بيتردد اسم "سمر" قدامي بصدى لطيف عن كتاباتها اللي بيشكر فيها أصدقاء كتير مشتركين بيننا، وفي كل مرة باجي أقرألها بيحصل ظرف يشتتني، ويمكن ده كان عشان لما أبدأ أشوف قلمها تكون بداية ممتعة مع رواية زي سبيل..

الرغبة في الهروب من كل شيء مؤذي حاجة جوانا مبنقدرش نسيطر عليها، وممكن في لحظة ضعف نستغل حب القريبين لينا عشان ننجح فيه ونورطهم مكاننا، لكن ده عمره ما هيوصانا لبر الأمان؛ لأن الشعور بالذنب وتوابع الهروب نفسه هيفضلوا يطاردونا!

الرواية سردها كان منمق جدًا، وحوارها كان معبر، وأسلوبها كان سلس، لكن الأهم من ده كله كان فكرتها العميقة اللي اتعملت بحبكة قوية، ورغم إنها مكانتش دسمة، بس ككاتبة أقدر أحس إنها خدت مجهود كبير من سمر؛ أقدره وأحترمه، وأتمنى يكلل بالنجاح وتواليه نجاحات كتير♥️!

تقول سمر حمدان/

"القلوب مصنوعة من نسيج واهن لا تصمد أمام الأهوال!"

#ريڤيو_بس_مش_ريڤيو.

#زينب_إسماعيل.