شكرا
شكرا كتير
أدق مايقال عن هي الرواية إنها " بتفش القلب " ، بحس الواحد بعدها انو شبعان و أخد يلي بدو ياه
أول مرة قريت لهاد الكاتب هو عن طريق منشوراته على الفيسبوك العميقة و اللطيفة ، و مقالاته على " اضاءات " حلوة كتير بالاضافة الى أنه كتب كذا حلقة للدحيح
كلماته خفيفة على القلب و أسلوبه هادئ و رايق كتير ، كان فيني أقرأ و أنا واقفة أو عم أمشي أو آكل و بنص العجقة و الضجة و ماكنت مضطرة إني أقعد بهدوء و أقفل عحالي مية باب لأفهم المكتوب .
بتبدأ الرواية بمشهد قتل دموي على طريقة النسر الدموي و هي طريقة إعدام كانو يستخدموها الفايكنج و لكنها ليست رواية بوليسية و ليست رواية رعب و ليست رواية نفسية عن المجرمين
ممكن الواحد يلاقي قطعة من حالو بكل شخصية ، بتحكي عن مشاعر الفقد و الحرمان و عن مشاعر الأبوة و الأمومة من وجهة نظر كل من الأبناء و الآباء ، عن أمراض نفسية متل انفصام الهوية التفارقي و اكتئاب مابعد الولادة و اضطراب مابعد الصدمة
رواية زابطة من كل النواحي
عنجد شكرا الك