قبل قراءة الكتاب لم اكن أعرف إنها سيرة ذاتية للكاتب..والصراحة لو كنت عرفت مظنش إني كنت حقرأه..
جلال برجس صدر له ٥ روايات من ضمنهم هذا الكتاب وقد حصلت روايته دفاتر الوراق علي جائرة البوكر العربية عام ٢٠٢١... وبما إن إنتاجه الأدبي مش كبير فمعتقدش إني حكون مهتمة أوي أقرأ عن سيرة ذاتية لكاتب لم أقرأ له غير عمل واحد فقط...
الكتاب عبارة عن ٣ فصول..كل فصل بيتكلم فيه الكاتب عن ٣ رحلات قام بهم و ٣ كتب قرأهم أثناء هذه الرحلات و يمزج معهم ذكريات من طفولته و من مراحل مختلفه في حياته...
الكتاب مكتوب بلغة ممتازة و فيه جمل كتير وقفت عندها بس الحقيقة إن في جمل اكتر حسيت إنها عميقة زيادة عن اللزوم أو بمعني تاني فيها فزلكة شوية ودة طبعاً إحساسي الشخصي...
الرحلات التي قام بها الكاتب مفيهاش أي حاجة مميزة و الأجزاء اللي اتكلم فيها عن حياته برضو محسيتش إن فيها أي حاجة تهمني كقارئة...
لم أحب الكتاب ولم أستمتع بقراءته...