حقيقي اكتر حاجة بتدهشني ان رواية تكون منشورة من ١٩٤١ يعني من حوالي ٨٢ سنة.. و مازالت حتي اللحظة دي بتُقرأ و الناس بتكتشفها
أحداث قصتنا بتبدء بشاب تقريباً فاشل في كل حاجة.. حتي مش بيعرف يكتب ثلاث جمل صح من كتر ما هو بليد!
ولكنه شاطر بل و ماهر لدرجة الرعب في شيء واحد بس.. الشطرنج ♟️♟️
وهو طالع سفينة بتلف العالم عشان يروح يحقق انجازات اخري في بلاد اخري لأنه بيسحق اي حد يلعب قدامه و في اي بلد..
في نفس السفينة دي راجل غريب الأطوار.. شخصيته غامضة إلي حدا ما.. مر بتجربة سياسية صعبة
ايه علاقة الرجل دا بلاعب الشطرنج الماهر ازاي هيحصل بينهم تواصل بوساطة تلك اللعبة
وايه علاقة التجربة الي مر بها الرجل غريب الأطوار برده بالشطرنج ؟!🤯
رواية بسيطة، فلسفية لدرجة عالية، مناسبة لاي مبتدأ في القراءة ( هي و جميع اعمال ستيفان زفايج لانها صغيرة جدااا )
الرواية تقع في اقل من ٩٠ ص
سهلة اللغة و الأسلوب و التعابير
ممتعة جدا و هتخلصها في جلسة واحدة...
العمل بيلعب في ما يمكن ان يفعله الفراغ في نفسية الشخص.. و اي درجة ممكن يوصلها من الجنون.. و بيناقش عدة نواحي اخري كلها تقع بداخل النفس البشرية.. ببراعة يحسد عليها الكاتب...
جرعة التشويق الي هتخليك منتظر مبارة حاسمة جدا بين أمهر لاعب شطرنج في العالم.. و راجل غريب الأطوار.. له علاقة غريبة باللعبة ولكنه لم يمس رقعة ولا طاولة في حياته تخص اللعبة.. ف مين هيكسب في المبارة العجيبة دي🤨⚠️
اكتر شيء برده مميز في العمل قدرة الكاتب علي نقل مشاعر و نفسية البطل للقارئ بوساطة وصف حركاته و انفعالاته👌♥️
حقيقي العمل حلو جدا و الكاتب دا عبقري لدرجة عالية.. عمل بالرغم من عظمته فهو زي ما قلت بسيط و مشوق للنهاية و في شوية تراكيب نفسية صعبة و هتحس في بعض المقاطع (بالخنقة) حرفيا
ف انصح اي حد بيه♥️