📌إن الحياة لا تحترم إلا مَن يستهين بها…
فى قلب الليل فضفض جعفر باللى فيه
حكى مع مين 🤔
مع موظف فى وزارة الأوقاف 🙄
ارتاح له فى الكلام
سمع منه مشكلته
اللى شايلها فى قلبه من زمان
جعفر كان محتاج يتكلم ويبوح
هو مش عايز حسنة ولا أصول
هو كان عايز بس يحكى حكايته مع الزمان
وسبب رفض جده لتوريثه العقار اياه
هل ممكن نقسى على الابناء ونحرمهم من عزنا بعد الممات علشان مجرد بس ماسمعوش الكلام ومشيوا ورا رغباتهم بالرغم من الإعتراض
لا وممكن يوصل الحال لمنع كمان الأحفاد
ايه قسوة القلب ديه يا " راوى "
ابنك ما أذنبش زمان لما اختار يتجوز على سنة الله
الست كانت صايناه لا عمرها اثرت ولا كانت مش تمام
كل ده علشان مش قد المقام
حرمت ابنك يبقى فى كنفك وتحت رعايتك علشان جوازة مش على المزاج
طيب اهو ربنا تولاه هو والمدام
وهداك بحفيدك أنت اللى ترعاه
اتعلم الدرس بقى وبلاش تنشيف دماغ
بلاش سيطرة وأوامر وكله يمشى على المزاج
صحيح أنت عايز الصالح له
لكن مش بالعافية ولا الإجبار
اخرة العند هيولد التمرد على الأوضاع وربك يسترها على تمرد الصغار
وده اللى حصل وحكاه جعفر لموظف الأوقاف لما راح يطالب بحقه فى ورث جده
وكان رد الموظف … بح خلاص البيت بقى وقف خيرى ممكن لظروفك نشوفلك حسنة من اللى بتطلع منه من الأوقاف
أبقى صاحب ملك وامد الأيد اخد حسنة كل شهر
وديه كانت وصية " الراوى " جزاء لعصيانك يا جعفر يا بن إبراهيم
ياترى عملت ايه تستاهل عليه النبذ والحرمان
📌 كلّا، إني أرفض الرثاء والعطف، تذكر دائمًا أنك تخاطب عظيمًا من الرجال، ومن أسباب عظمته السحرية أنه قادر على التكيف مع أقسى الظروف والأحوال فيخوضها بكل تعالٍ وابتسام!
رواية اجتماعية سلسلة الأسلوب وعلى الرغم من أن الفكرة عادية عن الظلم الواقع من الأهل بسبب تحكمهم فى مصير أولادهم ومن بعدهم أحفادهم
إلا أنك هتعيش مع الشخصيات الأجواء ، نجيب محفوظ السهل الممتنع وأقصد بالسهولة مش فى الأسلوب أقصد بها الفكرة نفسها
ازاى قصة عادية ممكن تشدك وتعيش مع شخصياتها وتتعاطف وتلوم وتبقى نفسك تدخل فى أحداثها تهدى النفوس
حبيت حكاوى " جعفر الراوى " للموظف وازاى قعدتهم مع بعض على القهوة خرجت كم المشاعر ديه منهم جعفر حس بالإرتياح والموظف حس بأنه محتاج يسمعه ويشيل عنه الأحمال ..
فى المجمل رواية جميلة وكان نهايتها صحيح مش وردية بس فيها اصرار على الموقف وعدم الندم على اللى فات وأن لو رجع الزمن بـ " جعفر " هيعمل نفس الأخطاء لأن من وجهة نظره التجربة والإختيار كان بإرادته وهو صاحب القرار …
📌وديه مواجهة عجبتنى جدااا 👇🏻👇🏻👇🏻
– جدي… إني أرفض.
– ترفض نعمتي؟
– أرفض القهر.
– ولو كان مني؟
– ولو كان!
– أنت عاق، تخون الجمال والنقاء، في سبيل ماذا؟
– الحرية!
#مكتبة_دنيا
#قراءات_٢٠٢٣