"خوف"

كواحدة مش من هواة الأعمال المترجمة فأنا سعيدة بالتجربة اللطيفة دي لأن الرواية كانت لذيذة والوصف اللي فيها ممتع، أول قراءة للكاتب، وأول مطالعة للمترجمة آية الفقي اللي بالمناسبة أسلوبها شيق جدًا، تعليقي كله عالنهاية لأني مفهمتهاش وفيها كل الفكرة..

لو إيرينا كانت بتحلم كل ده فالعمل فيه عظة وممتاز..

لو جوزها سامحها وعادي فبجد يبقى حاجة وحشة أوي..

أنا عدت المشهد بتاع النهاية كذا مرة ومفهمتهاش برضه، بس أنا اعتبرت النهاية إنها كانت بتحلم ومعملتش حاجة عشان راحتي النفسية♥!

من الاقتباسات اللي عجبتني أوي/

"الشعور الدائم بالشبع لا يقل استفزازًا عن الجوع!"

"الخوف أسوأ من العقوبة، لأن العقوبة في نهاية الأمر شيء محدد وواضح بشكل أو بآخر، على الأقل أكثر وضوحًا من الغموض المريع والتوتر اللانهائي الفظيع اللذين يولدهما الخوف!"

"إنني أعتبر هذا الخوف المريع من الاعتراف أكثر إثارة للشفقة من أية جريمة!"

#ريڤيو_بس_مش_ريڤيو.

#زينب_إسماعيل