الرواية : #لكن_الله_يدري

الكاتبة : #محبوبة_محمد_سلامة

عدد الصفحات : ١٢٨

دار النشر : #دار_البشير

رحلة حذاء 👞 فى أروقة المستشفيات 🏥

هيشوف حالات ويسمع حكايات

هيكتشف مين بيقضى الواجب وخلاص

ومين باقى على العشرة ومش همه عدد الساعات اللى مقضيها واقف مستنى الأمل فى الشفاء

📌حتى الأقدام تفضح حقيقة البشر وسرَّ حضورهم، فمن كانت خطواته لغيره في زيارة.. أضاءت من تحته، ومن كانت خطواته لنفسه؛ أظلمَت!..

مش عارفة اقولك حط نفسك مكان الحذاء 👟

تقف على طرف سرير من الآسرة وتتابع حالة مريض وترتبط به

وتشوف زواره ليل نهار

مين ماسك ايده وبيدعيله بالشفاء

ومين بيدعى انه هم ويارب يتزاح

حالة غريبة عشتها مع الحذاء

ارتباط بالحالات وياسلام لو مش مالك نفسك وبيتغير عليك الشيفتات

واللى ارتبطت به وعرفت حالته ووصلته بنفسك لغرفة العمليات مالحقتش تعرف حالته بعد خروجه منها

روحت لحالة تانية وتالتة والارتباط بالمكان بيزيد

وبعد ما كنت متضايق وبتقول أنا ايه اللى رمانى هناك

ما كان صاحبى مخرجنى فى جامعة ما كلها ناس هاى وحياتى كانت فى الباى باى

لقيت نفسى فى مكان كله أمراض وأوجاع وساعات فراق

بس الأكيد أنك عرفت قيمة الصحة وطباع الناس فى الأزمات ومش كل اللى ظاهرلك يبقى ابن حلال

فيه وشوش بتعرف تأدى الدور تمام وفيه ناس على الرأس تتشال 💙

رواية حلوة جدا جدا كفكرة وطريقة سرد وتعبير ولغة

بحب النوع ده من الروايات اللى يعرى النفوس بس من غير ما يخوفك ويرهبك هو بيفتح عينيك ويديك أمل أن زى ما فيه شر فيه خير وأمل

والخير فى الناس كتير بس أنت جاور الشخص الصحيح 💙

تانى قراءة للكاتبة وحقيقى مبسوطة أنى قاريتلها 💙

⁠‫📌الآن عرفتُ لمن تضيء الأرض وتنير الخطوات، لكل من أخلص في فعله، زيارته، عيادته، مودَّته، محبته، تضحيته، حتى ضحكته، سبحان الملك.. جعل للمخلصين نورًا يُعرفون به!

#مكتبة_دنيا

#قراءات_٢٠٢٣