ريفيو كتاب "على نهر كلايد"
الكتاب سيرة ذاتية للكاتبة بتحكيلنا فيها مدة ٤ سنوات قضِتهم في اسكتلاندا وما حدث فيهم.
استمتعت بيه جدا جدا .. حبيت اسلوب الكاتبة هبة هنداوي في السرد .. جمال لغتها مع سلاسة اسلوبها حقيقي كانت تجربة رائعة.
تناولت الكاتبة جوانب كتيرة في هذة السفرة من ضمنها مدى تقبل الآخر في بعض الاحوال ومدى تعصب البعض .. تناولت اسلوب حياتهم المختلفة ونظام التعليم والصحة ... وصفت جمال المناظر الطبيعية والحدائق ..
الكتاب كله حسيت انها تجربة وإني سافرت واتبسطت واستفدت معاها كتير ده غير اني استمتعت جدا باسلوب كتابتها الشيق ولغتها .
كانت اول تجربة ليا مع الكاتبة الجميلة Heba Hendawi رغم معرفتي بيها من كذا سنة ولكن ان شاء الله مش هاتكون أبدا الاخيرة .
شكرا أ.هبة أمتعتيني معاكي في رحلتك ونظرتك للأمور والأبعاد الإنسانية الكتيرة والدفئ في عز الغربة .
شكرا ليكي ❤