❌و تحذير ممكن يبقي فيه حرق❌
القضية الأولى: عدد صفحاتها 219 صفحة علي أبجد
"و قاتل بيعدم إللي هرب من الإعدام" و الجملة إللي حقيقي بهرتني و عجبتني الفكرة جداً
في أول جزء بنتعرف علي أهم الشخصيات إللي اعتقد هيفضلوا مكملين معانا بجانب البطل اللي هو طبعاً حلمي مهران إللي حقيقي عجبني ذكائه و شخصيته و تركيزه في التفاصيل إللي بيساعده ياخد باله من حاجات أكثر من الباقي كان عندي بس مشكلة وحيدة معاه و هو أنا بجد بكره البطل إللي كل البنات بتحبه و معجبين بيه و هيموتوا عليه يعني الحتة دي قفلتني منه شوية بس بردو ممنعتش استمتاعي بالنوفيلا و طبعاً ده بجانب جريمة القتل إللي بتبدأ بيها القضية الأولى و انت لسه مش فاهم أي حاجة
الأحداث كانت بتتصاعد بطريقة خلتني أخلص الكتاب في قاعدة واحدة إللي هو فجأة لقتني وصلت نصها و أنا مش واخدة لبالي و كنت بتحمس كتير في النص
لسه في حاجات مش مفهومة و مش واضحة منتظرة أعرفها في باقي الأجزاء و عجبني إني فضلت قاعدة بتسأل و عايزة أعرف باقي القصة
بس عندي مشكلة لما خلصت قراية قريت reviews إن الرواية مرتبطة برواية وحي و بردو ليها علاقة ب 3110 فأنا مش عارفة هل في ترتيب معين المفروض أقرا بيه و هل كل الروايات ليها علاقة ببعض و لا دول بس؟ حسيت إن أنا تهت شوية
تاني حاجة في صفحة 56 مفهمتش مين بيقول لمين مكنش واضح و مفهمتش الجملة
"قالها و أنهى الرجل حياة زميله بنفسه فلقد كان هذا دينهم، و تلك كانت عقيدتهم"
يمكن دي بس المشكلة اللي واجهتني بس المجمل القضية الأولى حلوة تخلص في قاعدة واحدة و مناسبة جداً لو حد عنده reading block او عايز يفصل بكتاب خفيف يشده و يستمتع بيه
بالنسبة لتقييمي: 3.5/5