اسم الرواية:قايين الطريق فى الشتات

عدد الصفحات:147 ورقي

الغلاف:اية اشرف

دار النشر:ن للنشر والتوزيع

فكرة الرواية قايمة على تساؤل هل شفرة القت.ل اتنقلت من قايين اللى هو قابيل للبشر كلهم بعد كدا فى الرواية بنشوف قصة قايين اول قا.تل فى تاريخ البشرية والصراع بينه وبين نفسه و بين شيطا.نه. وقصة يحيى اللي بيفوق من غيبوبة شبه فاقد للبصر و فاقد للذاكرة وبيتعرض لهلاوس واحلام خاصة بقايين الرواية من وجهة نظري رواية فلسفية دينية اكتر منها اجتماعية مليئة ب التساؤلات والحكم بتخليك تقف كدا وتفكر فى حاجات كتير فى حياتك وبتديك سكينة كدا لما تفهم الكلام والمغزى منهم الأكيد انها من الروايات اللى تقراها كذا مرة وهتطلع برؤية مختلفة كل مرة حسب تقبلك وحالتك. اظن كلنا بيجي علينا وقت نتمنا نتحط فى موقف ان ننسا حاجات كتير عملناها ونبتدي من اول وجديد بس السؤال هنا هل لما ننسا هتتغير للأحسن ولا هنعمل نفس الغلطات لان دي طبيعتنا. هل لما بناخد فرصة تانية ودا اختبار اكيد بنستغلها صح ونصلح أخطأنا مع نفسنا والآخرين. كل دي تساؤلات هتلاقي نفسك بتقف قدامها وبتدور على إجابة ليها فى صفحات الكتاب.

اقتباسات 😍

طوبى للمساكين بالروح.. طوبى للودعاء .. طوبى للجياع والعطاشى إلى البر.. طوبى للرحماء.. طوبى لانقياء القلب.. طوبى لصانعي السلام.. لا تدينوا لكي لا تدانوا!

الأرض حليفك إن أردت شرا عاونتك و إن أردت خيرا أعانتك.. هي لن تنكرنا، فقط ستتركنا لنوايانا.

يقول الإمام الغزالي: إن نقص الكون هو عين كماله مثله كمثل اعوجاج القوس هو عين صلاحيته ولو انه استقام لما رمى!