ملاحظة : كتبتُ نفس التعليق الذي كتبته في صفحات الفيسبوك.. بدايةً أنا من متابعي طارق عز منذ ما يقارب الخمسة أشهر تقريباً و لكني أتابعه نادراً لأن فيديوهاته بالمجمل غالباً ما تكون حول الروايات فقط . أنا لستُ من محبيه و لا من كارهيه، أنا فقط شخصٌ يتابع فيديو حول محتوى ما يحبه .
أنا لستُ ناقدة و لا كاتبة و لكني كمهتمة في مجال اللغة العربية و المعرفة حولها، فمن حقي التعليق على هذه المصفوفة الورقية، و أنا لا أهين الكاتب، يمكنكم أن تعتبروني أنني ثائرة بسبب هذا العمل الورقي .
بخصوص هذه المصفوفات الورقية لم أكن أتوقع أن تكون بهذا السوء ( لن أسميها رواية حتى روايات جدتي بالعامية و من دون تعبيراتٍ مجازية و مع إثارتها المشوقة أفضل من هذه التي تدعى رواية ).
رح احكي شوي بالعامية و شوي بالفصحى ، الرواية عيب ينقال عنها رواية و اللي يمكن احتمال كبير خلا مبيعاتها تزيد لجانب شهرة اليوتيوبر هو انو مصمم الغلاف شفع لشكل الكتاب فقط و حرام على المصمم الفنان اللي سوا هيك غلاف بجنن لهيك وراق و شي مدري شو اسمو. ما بعرف كيف كان بتقدروا انو تسموها رواية🙂😬🤯😖. لقد ذكرتني بكتابات التعبير التي كنت أكتبها في صف الثاني إبتدائي، مع العلم أن كتابات تلك الطفلة ( يعني أنا) أفضل من هذا المكتوب في هذه الأوراق .
لقد قرأت العينة المجانية من أبجد ، هل هذه الأوراق مليئة بالحشو و الببغائية و الغوغاء ؟؟ نعم مليئة .
هل فيها جمل و أحداث غير مفهومة، أو لا علاقة لها بالتي سميناها رواية؟
نعم فيها مصائب غير مفهومة و كذلك يوجد فيها أحداث لا علاقة لها بالمشهد .
هل فيها مشاهد جنسية؟ أو مشاهد بتحس فيها انو كأنو عم يتهجم عالدين؟
نعم يوجد فيها ذلك .
ماذا عن القلم المبدع؟ ماذا عن احترافية و مهارة الكتابة؟ ماذا عن مهارة وصف الأشياء و المشاهد و كتابة التعبيرات المجازية بوصفها الصحيح، هل هي موجودة؟؟؟
إجابتي حتى زملائي و زميلاتي في عمر الرابعة عشر في حصة التعبير الذين كانوا يحصلون على نتيجة سيئة كانوا أفضل في الكتابة .
هل تحتوي على جملٍ غير مرتبة، جمل مقطعة و غيرها من بلايا الكتابة التي حتى أطفال الابتدائية لم يرتكبوها؟؟ نعم تحتوي .
هل هي مليئة بالأخطاء النحوية و الإملائية؟ نعم كله موجود .
برجع للعامية، كنت عم قول بفكري إذا عرضوها بمعرض بيروت للكتاب بشتريها ( مع اني ما بهتم لشهرة الكتاب بس أكيد خدعني اسم الكتاب و غلافو )، زائد اني كنت بدي اشتري من كتب دار الرواق إذا قدرت كم كتاب . خلينا نتفق انو الكتابات السيئة لأي واحد كتب ما بتنعكس سلباً بس على اللي كتب بل أيضاً كمان بتنعكس سلباً على دار الكتب اللي نشرت هيك كتاب و اللي بيخليني مستحيل اشتري أي كتاب من هالدار حتى لو قالولي الكتاب ب خمسة و تلاتين الف ليرة يعني تقريباً نص دولار ما بشتري.
و متل ما بتقولوا بالمصري " أنا بقيت عيانة " لأكتر من تلات ساعات مش بمزح و الله العظيم ، نعم يا عزيزي قارئ المنشور أصابني الهم و الغم و العياء
.. مئات الأعمال الممتازة ما عم تنشهر ليه؟؟ لأنو ما معن مصاري يدفعوا كتير بعكس البياخة
رح احكي اكتر بكرا عن الأخطاء بالتفصيل
بس صحيح هلق الرواية انشهرت بس بعدين رح يبان التلج من المرج و يبين كل شي على حالو و كيف شكلو الحقيقي بالآخر ألف دعوة ما مزّقت قميص، وألف زلغوطة ما جوّزت عريس 🙂