حقيقي من اجمل الروايات اللي قريتها بكل تفاصيلها اللي بجد الواحد محتاج يركز في كل كلمه فيها علشان مره واحده بتلاقي الاحداث اتغيرت ١٨٠ درجه و كل استنتاجاتك راحت و طلع مكانها اسئله و استنتاجات تانيه.. عجبني جدا اسلوب الكاتب في سرد الاحداث اللي نتج عنه تشويق و اني مش عايزه اسيبها غير لما اجيب اخرها.. عجبني فيها بردو وصف الكاتب بدقه لتفاصيل المكان بالظبط و دا عاد عليا بانه خلاني عايشه معاهم جوا الاحداث و فصلني عن اللي حواليا.. ربط الحقيقه بالحلم باحلام اليقظه خلاني ما ملتش منها.. كمان انه بيرجع بذكرايات كل شويه و بنكتشف حاجه جديده.. النهايه كان في جزء بسيط جدا جدا منها ملموس بالنسبالي و باقيها ما كانش متوقع اطلاقا.. و انا في اخر بارت كنت في حاله صدمه و فرحه و زعل و اندهاش مابقتش عارفه انا مين بصراحه.. و في اخر مشاهد الروايه بقا لما ابتديت اربط الاحداث من الاول خالص و الدنيا توضح كدا كانت المفاجآت عماله بتزيد.. شخصيات الروايه اللي قعدت في الاخر مش عارفه اقول مين صح و مين غلط كأنهم ناس حقيقيين موجودين معايا.. و أخيرًا و ليس آخرًا اللي مكتوب في اخر سطر في الروايه "ماذا عن رأيك انت؟ هل ترى أن هذا المرض حقيقي ام هو بالفعل مس شيطاني..؟" خلتني في حاله صدمه و خلّا التشويق موجود لحد آخر سطر في الكتاب.. 🤍
خلينا متفين ان الروايه دي من اجمل روايات الرعب النفسي اللي قريتها كان بطلها الخوف و تعاقب من بعدِه الأمراض..