يعملوها الكبار 👨🏻🦱👩🏻 ويقعوا فيها الصغار والكبار برضه 🤷♀️
بس ياترى الصغار هياخدوا الموضوع على هداوة ويراعوا أن ده الصالح لأهاليهم وليهم 🤷♀️
هل قرار الانفصال هو أصوب قرار فى حالة استحالة العشرة بين الأزواج ولو كان حتى فى بينهم أولاد⁉️
طيب لو تم الانفصال ، مين هيربى الأولاد ولا هتسيبوهم للزمان
أنانية الكبار وتحكماتهم فى الصغار … يتعقدوا من جوازتهم ويطلعوها على عيالهم ويرموهم لأجدادهم معتمدين على المثل اللى بيقول " أعز الولد ولد الولد "
بس ياترى باقى من عمرهم كام علشان يعرفوا يتحملوا ويسايروا متطلبات الأحفاد
هيعرفوا يجاروهم فى يومياتهم ويناقشوهم فى أفكارهم ويصاحبوهم فى حواراتهم ويتابعوهم فى دراستهم 👩🏻🎓
ليصبح التعلق بهم بعد فترة من الزمن خوف من الفقد
ويتشقلب الحال من مراعاة الأجداد للأحفاد فى صغرهم للعكس مجالسة الأحفاد للأجداد وخوفهم عليهم وعلى كبر سنهم 👵🏼👴🏼
" شهدان " فتاة وصفها محيطها بـ " الفتاة المضطربة نفسيا " أصلها عاشت فى أسرة متفككة واتربيت تربية غير سوية ⬅️⬅️ ده فكر المجتمع لكن فى نظر جدها هى " الفتاة الذهبية " 👩🏼 الذكية اللى مفيش زيها فى الدنيا واثق منها ومن شطارتها وواقف جنبها وبيدعمها ما أصل الأم والأب تخلوا عنها وكل واحد شاف حياته وسابها هى مسكينة اتحرمت من حنان الأم وسند الأب
لكن " كمال و صفية " قاموا بالواجب وأزيد مش شوية لا ده كتير كتير لدرجة أنى حسدت " شهدان " على جدها من طيبة قلبه وعطفه و إيمانه بها وبفكرها … لحد ما وصلها لبيت العدل
لكن ياترى " شهدان " هتعرف تتخلى عن جدها وتسيبه فى كبره لوحده من غير ما يحتاج لها
✨لم يكن للجد كمال ثابت مواقف في حياة شهدان يمكنها سردها، كان هو حياة شهدان بأكملها، الموسيقا التي تدور في خلفية كل حكاياتها، لا يمكن انتزاع حكايتها من حكايته ولا حكايته من حكايتها، لم يفعل الشيء المناسب في كل مرة، لكنه كان متواجدًا كل مرة✨
🔵 ديه القصة ببساطة لكن " يارا " وصفت المشاعر بجدارة 👌🏻… لحظة بلحظة هتعيشك معاهم هتعاصر حواراتهم وتحس باحاسيسهم وصراعاتهم.
ويمكن تدخل جوا أفكارهم وتحط نفسك مكانهم
رواية مؤثرة اتكلمت عن مواضيع موجعة
🔖 وهى إحساس الفقد ( انواع كتير من الفقد - ضياع الحبيب بسبب فكر عقيم - فقد عزيز برحيل عن دنيانا و احساس الشريد - افتقاد وجود الأهل فى حياة الطفل وتأثيره عليه صغير كان أو كبير وعواقبه كمان لسنين كتير - افتقاد لمشاعر و أفعال بعينها من أقرب الناس لينا )
🔖 اتكلمت يارا عن الخذلان فى صور مختلفة من الاهل للأصحاب لحتى ابن الجيران …
ضياع هويتك وسط زحمة الصراعات سواء كانت أسرية أو مهنية ..
🔖 هل عدم تعبيرك عن مشاعرك وإخفاء مشاكلك هيساعدك تنسى عقدك 🤷♀️ يارا اتكلمت كمان عن اهمية البوح والفضفضة أول بأول سواء مع حد قريب أو فى الحالات المتطورة لطبيب … المهم انك ما تفضلش مكتوم ومحاصر نفسك بالهموم..
🖋️ اسرتنى " يارا " بحكايتها حبيت مشاعرهم ووضوحهم … حبيت حتى اضطرابهم وتخبطاتهم
رسمتها ووصفتهم ببراعة ومش عارفة اطلع من حياتهم بصراحة
حبيت الرسومات اللى بعد كل فاصل
معبرة جدااا واقتباسات صلاح چاهين وفؤاد حداد كانت موفقة جداا مع الأحداث 💙💙
تانى عمل اقراه للكاتبة - و ماخيبتش ظنى فيها ولا فى حكاويها 💙💙
#مكتبة_دنيا
#قراءات_٢٠٢٣