لا يوجد تقييم ⚠️
ملحوظة.. انا عارف ا عمرو البدالي كاتب كبير له اسم و جمهور بينتظر اعماله بس دي وجهة نظري انا الشخصية الي ممكن ناس كتير تختلف معايا فيها
بتبدء احداث الرواية بمشهد كابوس للبطل بيصحي منه و بعد كدا بنعرف ان احنا في جائحة.. فيروس منتشر بين الناس اسمه (النعاس الجبري) و دا فيروس بيخلي الناس تنام بدون يقظة ولو استيقظه بيكونوا في حالة زي فقدان للعقل!!!
و بيبدء البطل انه يحمل علي عاتقه مهمة انه يخلص العالم من هذا الفيروس
مبدئياً الفكرة حلوة.. اه مش جديدة طبعا ان جائحةٌ ما تنتشر في العالم و البطل يبدء انه يحل الموضوع.. بس التناول كان كويس..(في الاول)🥲
انا للاسف لم أُكمل هذا العمل.. العيب اكيد فيا مش برمي اي حاجة ع الكاتب.. بس حقيقي في الاول كنت مبسوط و حاسس ان الفكرة يجي منها بس مش عارف ايه الي حصل أصابني الملل عند ٥٥٪ من العمل..
بالرغم ان لغة الكاتب ممتازة.. مش هنكر دا
و العمل نجح انه ينقلك لعالم تاني
بس هرجع و اقول اني مكملوش دا ميعبش الكتاب اي حد شاف الريفيو بتاعي يقرأ الرواية و ميحكمش عليها من رائي
يمكن عشان الرواية خادت منحني فانتازيا و انا مش من مفضلي النوع دا... يمكن عشان حسيت انها المفروض تبقي اخف من كدا.. مش عارف بس دا الي حصل 🤷🏻
⚠️قريب هقرأ القطرب و هنزل ريفيو عليها و اتمني تعجبني ⚠️
و اتمني برده الكاتب ياخد وجهة نظري دي بصدر رحب ♥️