اولا لازم اقول اني متابع قديم لقناة كوكب الكتب.. و حقيقي بحب ا طارق عز شخصيا لانه راجل محترم.. و من متابعتي للقناة عرفت انه فاهم جدا في أسس الكتابة الروائية و لديه خبرة لا يُستهان بها ف هذا المجال
و من ساعة ما عرفت انه كاتب رواية و انا في قمة الحماس اني أشوف الناقد التقيل الي دارس لفن كتابة الرواية لما يكتب عمل هيبقي شكله ايه!!🔥
و قد كان لسه منتهي من قراءة عمله الاول و الي كنت متاكد منه حصل♥️👌💪
بداية الاحداث بتبقي مع مريم علي قمة قلعة قايتباي بالإسكندرية.. و شايلة أبنها (الرضيع) و فجاة ترمي نفسها و هي بتصرخ لأبنها ((لقد تخلي الله عنا))
بعد البداية الجبارة دي نبدء نرجع و نعيش مع أسفار مريم عشان نعرف ايه السبب الي وصلها لكدا و نبدء احداث العمل
يتميز العمل بطريقة سرد قوية تُجذب القارء انه يكمل قراءة النص بكل شغف و أهتمام مع أستخدام تشبيهات و بلاغة بديعة ♥️
لغة العمل هي اعظم شيء فيه.. لازم أقول ان الكاتب بذل جهد جبار في تقوية اللغة و استخدام الألفاظ المعينة التي تليق بأجواء الرواية الكئيبة ☹️
حقيقي اللغة جعلت العمل لوحة فنية ساحرة ♥️♥️♥️♥️
الشخصيات تم تصميمها بشكل خرافي و ماهر جدا.. من أسم العمل انت ك قارأ هتفهم ان (((مريم))) هي الشخصية المحورية الي بدور حولها الأحداث...لكن... يا صديقي أحب اقولك ان جميع شخصيات العمل حرفياً هي شخصيات محورية لها تاريخ و خلفية درامية و نقطة ذروة تجلعها قصة قصيرة مكتملة الاركان
العمل يقال عليه (رواية متعددة الشخصيات المحورية) و دي طريقة كتابة صعبة جدااا و ممتعة جدا لقارأ بيحب هذا النوع من الأدب
مثل اعمال علاء الاسواني 🤩
العمل شديد السوداوية.. الي بكل آسف يصف الواقع المرير في المناطق المهمشة.. و الي ساعد علي الوصول الاحساس للقارأ هو قوة الوصف بدون أسهاب و في نفس الوقت كافي و حاطك في الجو.. جماعة العمل تذكرة ذهاب لمنطقة المكس و انت في مكانك من قوة الوصف و الاصوات و أجواء المنطقة ♥️💪
العمل في كذا طريقة سرد للراوي و دا بيخليك تشوف وجة نظر مختلفة لكل شخصية
و اخيرا.. فصول النهاية بتيجي عشان تكمل باقية اللوحة و تقفل الاحداث باستخدام تيمة الواقعية السحرية و الخيال✨
و احلي ما فيها ان كل شخص هيفهم علي طريقة تفكيره و طريقة أستعابه للأسقاطات و الرمزيات.
بدون اي مبالغة رواية قوية تحاكي الواقع بلغة بديعة و تقنيات كتابية مُتقنة.. أنصح بها بشدة🖤