لما عرفت إن الرواية هي العمل الأول الكاتب اتفسر كل شيء، افتكرت اسم الكاتب من رواية لا شيء مما سبق إللي قرأتها من فترة وعجبتني فقررت أقرأ باقي أعماله بدون ترتيب لأفاجأ برواية بحبكة ضعيفة وسرد سيء جدا وقليل معتمد معظمه على سرد الأبطال للحدث بالعامية، الحوار فيها كان مبتذل ومكرر الحقيقة حتى مفيش وصف لإحساس البطل وهو بيتكلم. الغلاف والعنوان حسسوني برواية مشوقة فيها لغز وهكذا بس الحقيقة إن مكنش ليهم علاقة بالأحداث. حتى النهاية كان المطلوب إنها تبقى غير متوقعة وكدة بس مقدرتش أتفاعل معاها يمكن لأن الشخصية مكنتش مبنية حلو ف لما تموت تحس معاها بشعور حزن أو شفقة أو أي حاجة. أتمنى بقية الأعمال متكونش على نفس المنوال لأني أحبطت جدا.