الله..كتاب عن يوسف السباعي..حجمه مش كبير ..الغلاف ملفت...كاتب بحبه جداً وكبرت و أنا بقرأ كتبه ..
كل حاجة بتقول أنه في الغالب حيكون كتاب حلو...صح؟
لأ...غلط!
الكتاب يعتبر كتاب توثيقي عن يوسف السباعي...مكتوب بلغة عادية جداً و تقريباً منقول كوبي و بيست من المواقع الأكترونية المختلفة و من المجلات و اللقاءات التليفزيونية التي قام بها الكاتب...
الكاتبة ممكن تكون بذلت مجهود إنها تجمع المصادر ولكنها لم تبذل أي مجهود في الكتابة لدرجة إن الجمل اللي كتبتها بنفسها و بإسلوبها مظنش حتتعدي ٥ صفحات علي بعض!
علي الرغم إن حجم الكتاب صغير إلا انه كان ممل في قراءته و غير ممتع و حتخلصه و حتحس إنك تقريبا معرفتش حاجة عن يوسف السباعي غير خطوط عريضة ممكن تعرفها بمنتهي السهولة من علي جوجل والأكيد إنك مش حتعرف عنه أي حاجة عميقة أو حتي جوانب من شخصيته...
الكتب اللي من النوعية دي والكاتب اللي بيستسهل و ينقل من هنا و هناك عشان يبقي اسمه كتب كتاب بيعصبوني جداً الصراحة!
أول قراءة للكاتبة و أكيد حتكون الأخيرة...