لما يكون ده الادب ….فلي ان اتخيل ان النقد مثلا يكون من شاكله ( يلعن تيت ام اللي مسكك قلم كان راجل ابن تتييييييت) او مثلا (انت يسطي كنت مصطبح لما كتبت البقين دول )
مش عارف ليه بلال مصمم يكتب بالشكل ده ..لما بسمعه في احاديثه بحس ان ممكن يقدم احسن من كده .
مش عارف ساعات بحسه ان شخص كان في بدايه حياته وعلشان مظهره الجسماني كان بيدل انه شخص طيب عايز يقول لأ ده انا صايع قوي وقليل الادب 😎او مثلا متعلم الشتايم علي كبر وفرحان بيها !؟
مش لاقي تفسير بصراحه لسه .
الروايه بقا عباره عن انك يا معلم لظروف ما كان لازم تقعد في قهوه عره كده جنب موقف البيجو او محطه القطر ولحظك العاثر قعدت مع واحد هناك متعرفلوش بقا تباع ولا عيل سريح المهم قعد يتكلم ويحكي في ذكرياته وانت طبعا مستغرب ومندهش وميت من الضحك وعارف ان في حاجات حقيقه وحاجات كتير من تخيلاته ولكن الموضوع مسلي ..وبعدين تقوم ولكن السؤال هل هتحب تقعد تاني وتسمع التلوث السمعي الممزوج بالنخع والسماجه دي …اعتقد لا ..
وده اللي حصل قريت نص الروايه وضحكت شويه ولكن مكملتهاش وملقتش ليا نفس ارجع اقعد في القهوه العشره تاني ههههه
عموما احب اقول لبلال ( ايه ياعم الصياعه دي لا لا لا ده انت طلعت صايع ولافف ولك ذكريات فظيعه ذي محمود السعدني كده ولا محمود السعدني مين انت صايع منه ياراجل )