مراجعة الحلقة الاولي من المسلسل الروائي (حارس) لا أحد يذهب إلى الصلاة.. حصريا علي abjjad | أبجد ♥️
بقلم الكاتب ميسره الدندراوي
الاحداث بتبدأ في اجواء من الغموض و احنا مش فاهمين الي حصل بس من الواضح ان في جريمة و في كذا ج.ثة مش واحدة!!
لأطباء كبار و ناس مهمة في البلد!!🤫
كلهم مقتو..لين بطريقة واحدة وهي خلع القلب و وضع مكانه ريشة.. و لهم علاقة بتاريخ قديم او في ربطا ما بأحداث قديمة حصلت في الماضي.. البعيد... طبعا بداية لحلقة اولي بتفتح ابواب و ثغرات كتير لحلقات قادمة كل مساء جمعة !
السرد.. فصحي جيدة تشمل وصف كافي بالغرض للشخصيات و المكان و الزمان.. حوار بلغة عامية مصرية ( لايق علي جو العمل.. بس اظن لو كان فصحي مكنش هيأثر جامد)
الشخصيات تعتبر كتير نسبياً لان الرواية كلها ١٢٠ ص فقط.. و بطل العمل الي سُميت به السلسلة (حارس) كان مجرد ظهوره بسيط و بيفتح للحلقات القادمة...
تصنيف العمل اثارة و تشويق و دا كان بالفعل موجود بس مش بالنسبة الكافية.. بل كان في مشاهد تعتبر مط و كان لازم يكون في جذب اكتر من كدا..ولكن.. انا متفائل خير و بقول ان دي مجرد حلقة اولي من مسلسل له حلقات كتير قدام المفروض.. يعني لسه بنقول بسم الله ف تمام😂♥️
منتظر باقي الحلقات جدا و فعلا حابب اعرف حل لجرائم القتل دي و ليه حصلت و مين الفاعل و الاهم من كدا... حابب اتعمق اكثر في شخصية العقيد محمد ((حارس))♥️