كريم شاب لطيف طموحه خلاه ميبقاش status quo لا ده اخدها تحدى 💪🏻 وقال يا أنا يا الظروف
ما قالش لا ديه شغلانة ماتناسبنيش ولا برستيچى ما يسمحليش .. شمر كمامه وقال هبدأها من تحت 👇🏻
لكن حظه قاله لااااا ❎
أنت مش وش فحت
اطلع يا بنى لفوق مكانك وسط رجال الاعمال وفلوسك تبقى فى البنوك
بس مش كل مين معاه قرشنات 💵 يبقى مرتاح البال
دايما هتلاقى صراعات مادية لغة رجال الأعمال 👨🏻💻ايدك فى ايدى طول ما المصالح ماشية تمام 🤝
بس القلبة وحشة لو عارضت ليهم أى اتجاه
خطط ومؤامرات ومش هتعرف عدوك من ابن الحلال
حتى اللى افتكرته حبيب ممكن يتوظف ويبقى ابن ستين لو وعدته بأن الرصيد هيزيد
ياترى يا كريم هيتحط عليك من قريب ولا غريب
ولا طرف ثالث مكانش بالك يخطر عليه 🤷♀️
وايه حكاية الجزيرة 🏝️اللى هتقضى فيها يومين
ديه رحلة استجمام ولا مدبرين ليك ايه 🤔
اقولك روح خدلك يومين مع حبك القديم
اكيد هترجع ريلاكس منها وتعرف تفكر هتعمل ايه فى اللى غدروا بيك 🤫
رواية مليئة بالمؤامرات فكرتها مش جديدة إلا فى جزء واحد بس الخاص بالجزيرة 🏝️ومحستش أنه الاساس لو حذفته مش هيأثر فى سير الأحداث لو تم شوية تعديلات
بس فى الاخير ماضيقتنيش وأنا بقرأها مغامرة مشوقة يتخللها جرايم كيد وطمع مع صراعات الأبطال وكله يهون بالنسبة ليهم علشان الجاه والنفوذ
مايهمش ناخد ناس فى الرجلين ولا نقـ***تل واحد ولا اتنين … المهم نحصل على المراد وفساد بفساد تغور الكرامة قدام رصيد من الأموال…🤑
"هل المال والجاه والسلطة والنفوذ يستأهلوا أن يكونوا ثمنًا للكرامة والنخوة والكبرياء"
#مكتبة_دنيا
#قراءات_٢٠٢٢