انا زعلان😐
حقيقي مضايق جدا.. بكل أسف نهي داود و لاول مرة في مشوارها الادبي لم توفق ف هذا العمل و طبعا دا من وجهة نظري التي لا قيمة لها...
قصة الرواية عن نجية الي بتعاني من مشاكل نفسية و من الواضح كدا.. ان في جثة بالقرب منها و لازم تتصرف فيها!!
مشكلة الرواية ان مفيش حبكة او بمعني أصح الكاتبة مقدرتش توصل الفكرة الي كانت في دماغها، رواية ٣٢٠ ص بس فاضية!!
حتي عامل التشويق و الاثارة الي المفروض يبقي شديد و ملهتب جدا في رواية (جريمة) جه ضعيف و متاخر جدا يا جماعة الحدث الناري محصلش غير بعد ١٣٠ ص 🙄
اللغة و السرد و الحوار في مستوي جيد.. لغة بسيطة و جميلة مع حوار فصحي، العمل للاسف يفتقر للوصف المكاني و بناء الشخصيات (الا نجية) الي كانت مرسومة كويس جدا ولها خلفية و بناء درامي ممتاز و هي اصلا احسن جانب في العمل ♥️💪
العمل بيبدء الي حدا ما غامض و شيق.. بعد كدا صفحات من الفراغ و الملل لحد ما في الاخر بنوصل لنهاية مش حلوة و حبكة ضعيفة او غير مثيرة!
للاسف لم استمتع بهذا العمل علي عكس المتوقع من اجاثا كريستي العرب ♥️
بس عادي خيرها ف غيرها و منتظر الجديد بكل شغف..