الرواية نزلت بقالها سنتين في لندن من وقت الكورونا استنيتها كتير تنزل مصر مفيش فايدة! اتفاجئت من فترة قريبة إنها تُرجمت ونزلت منها نسخة إلكترونية على موقع أبجد ف جريت أشتركت عشان بجد كنت مستنياها على نار بعد مافقدت الأمل ف نسخة عربية ورقية!

أليف مابتكتبش حاجة وحشة!!رواية رائعة وظفت صح معلوماتها التاريخية عن قبرص وحروبها الأهلية في سياق الرواية من غير ماتفصلك ودي أكتر حاجة بدور عليها وبتأسرني ف الروايات اللي ليها طابع تاريخي "توظيف المعلومات"

رسم الشخصيات لأليف شافاك في الحقيقة هو أكتر حاجة هي بارعة فيها ف كل رواياتها

زعلني بس إن دفاعها المستميت عن حقوق المث..ليي..ن ظهر أخيرًا ف روايتها في قصة يوسف ويورغوس ! ماكانش لازم أبدًا نخلط ده بده! ليه كدة يا أليف؟ وللأسف النقطة دي بسببها هقيم الرواية بأربع نجوم مش خمسة

" ما أريد قوله هو أنَّ الشجرة كانت تختنق بجذورها هي. لم يَرَ أحدٌ ذلك لأنَّه كان يحدث تحت الأرض. إن لم نجد الجذور المطوَّقة في الوقت المناسب، فقد تشكِّل ضغطًا لا تستطيع الشجرة احتماله .. كانت أُمُّك تحبُّك كثيرًا، أكثر من أيِّ شيءٍ في هذه الدنيا. وليس لوفاتها علاقةٌ بغياب الحبّ. كانت مليئةً بحبّكِ، وبحبِّي أنا كما أعتقد. ولكنْ هناك في الأسفل، كان ثمَّة شيءٌ يخنقها. الماضي، الذكريات، الجذور "