ليس كل جماد يقف شامخاً لا يشعر ♥️👌
تخيل تبقي قاعد في بيتك و تسمع ان الحيطة كلمتك!!
مش بس كلمتك دي كمان قالت لك ان جارك الي ساكن معاك ف نفس العمارة اتقتل !!
ولما تطلع تشوف الموضوع.. تلاقي ان صوت الحيطة كان حقيقي!! وان فعلا جارك اتقتل
و دي كانت واحدة من اجمل الافتتاحيات الي قرأتها مؤخراً.. مش بس عشان الاحداث لا دا كمان عشان قوة سرد الكاتبة و اللغة الي هنتكلم عليها دلوقتي ♥️♥️
اولا و قبل اي كلام لازم اشكر الكاتبة و أقولها بكل صدق انا فخور ان في كاتبة في السن دا و في نفس الجيل بتاعي و عندها قوة اللغة دي 👌
اكاد اجزم ان في كتاب كبار اللغة بتاعتهم مش بالأتقان دا
الرواية فعلا جميلة جداااا، سرد قوي و تعبيرات مناسبة و الفاظ مختارة بعناية، رسم شخصيات عالمي
شخصيات الرواية دي هي من افضل جوانب العمل.. انت لما تقرأ العمل دا هتكره شخصيات و تحب شخصيات و في النفس الوقت كمان شوية هتلاقي الآيه اتعكست و الي بتحبهم بقيت تكرهم و العكس صحيح و هتفضل كدا مش عارف تتعاطف الشخص ولا تشمئز من الشخص دا + طبعا شخصية يقين البطلة الي كانت مرسومة كويس جدا و احساسها بالضعف و الخذلان كان وصلي اوووي👌😞
انا قريت العمل دا و خلصته و مش عارف هو نوعه ايه😂
يعني هو في المقام الاول المفروض واقعية سحرية..لكن... في رعب و في جريمة و بحث عن قاتل بطريقة (من فعلها) و في فانتازيا.. اه والله يا صديقي كل دا ف نفس العمل!!
اسقاطات اسماء الشخصيات علي واقع حياتهم و شخصيتهم كان جميل جدااا دا غير باقي الاسقاطات الي ف العمل اصلا
حرفيا الرواية عجبتني جدا و استمتعت بيها اوووي، و عرفت ان في كاتبة موهوبة اسمها (سما هاني و بقيت منتظر منها كل جديد)
ولو ينفع اقول ان العمل دا في عيوب.. وهو تقريبا خالي من السلبيات او العيوب الخاصة بتقنية الكتابة
ممكن يبقي عندي تعقيب بسيط علي الوصف..لانه في اول العمل كان قوي جدااا و في مشهدية عالية بعد كدا قل خاالص ودا شيء مش حلو اوي بالذات ان الكاتبة قدرت توصف كويس جدا ف الاول
النهاية.. عجبتني و فيها شيء من الصدمة انك تكتشف ان حياتك كلها مجرد كذبة.. بس عشان مش عايز احرق كان في جزئية صغيرة اووي في النهاية اعتمدت علي الصدفة و المبالغة بشكل غير منطقي شوية
غير كدا العمل في قمة الابداع.. و تاني هقول اللغة و جمالها.. انا اتكيفت 😂😂♥️