ريفيو الحكايه الاولي من روايه الحلواني "الصقلي"
"لكل زمان دوله و رجال"
يا جماعه دكتور ريم عامله عظمه بجد في الروايه دي كل ثلاثيه احلي من اللي قبلها
لازم تحضروا جنبكم جميع انواع الحلويات الشرقيه علشان مش هتقدروا تقاوموا حلاوه الروايه و ريقكم هيجري هيجري اصحاب الدايت ممنوع 🚫 اقروها في اليوم الفري
الاحداث التاريخيه الشيقه اللي متعودين عليها ب طريقه دكتور ريم
هتعرفوا مين ابتكر عروسه المولد
هتعرفوا كتير عن جوهر الصقلي
هتعرفوا كتير عن الحاكم ب امر الله
و لسه مكمله في الحكايه الثانيه بس مقدرتش منزلش ريفيو الحكايه الاولي 🥰🥰
"هذا حال الدول و الرجال لا تسمح سوي لرجل واحد و عندما يلمع بريق القائد يعمي بصيره العامه و تختلط عليهم الامور و في هذه الحاله اما ان يختفي القائد او يعاقب علي نجاحه و سحره"
"ربك لا يعاقب من يحب بل يخفي عنه بعض الجمال ليظهر له جمالًا اكثر وهجًا و فيضاً"
"يا مدينه الا تشعرين؟ لم تفضلين الاغنياء و ترقين لحال الامراء ،ولا تشعرين بعذابات نفس حفيد من بناك؟ الا تشعرين بأي امتنان؟"
ريفيو الحكايه الثانيه الارمني
بد الجمالي…هو من يستطيع،هو من تخلي هو من لا يطمع ولا يتقبل العطايا هو من تملكته مصر.
وقعت في حب بدر الجمالي و فرون الفتاه الأنقي في عصر تغلب فيه الفتن و المؤمرات.
الحكايه دي غير اي حكايه فعلًا حلوه اوي اوي مشاعرها قويه
طريقته في التغلب علي الفساد من جذوره
حواره مع الخليفه قوي من راجل قوي
صعب عليا جدا و تعاطفت معاه
عايزين بدر الجمالي احنا دلوقتي ❤️
تقييمي لها ٥/٥
دكتور ريم حضرتك عامله عظمه بجد الروايه دي في حته تانيه خالص حلويات فعلًا طريقتك الصوفيه فيها جميله جدًا
"هكذا هي الدنيا دائره في يد الطامع و الخائف هناك من يطمع في لطفه و ستره و يخاف عذابه و هناك من يطمع في ملك يفني و ارض فانيه و يخاف قوه ملك منافس سيبطش في اي لحظه"
"لا نعرف متي تعاكسنا اقدارنا او متي تصاحبنا بالمعروف ربما يعطينا القدر الحلم نقمه و نعمه"
"في الحب دومًا وصول احبّ عباده لتحبه هو ،هو مهيمن دون ان يطلب الكثير،هو يحمي دون جبايه و يعطي دون طلب في المقابل هو يعلمنا ان الرحمه دومًا اقصر الطرق اليه"
"عندما تترك نفسها معه تصبح بضعه من رقائق الحلوي الرقيقه"