" صالح " عالم بحار بيدور على حوت ضال

وحش فى بحرنا بيقولوا حوت ضال🐳 ضخم بيهاجم مراكبنا .. وبيقتل صيادينا … وبيغنى على أوتار الليل الحزين

وبيعمل زلازل و براكين 🌋 ونار من بوقه كمان لو عايزين😄

ديه هلاوس جماعية من أهل القرية ولا ايه ⁉️

ولا كذب 🤥 وبائى ضرب القرية ببيوتها واللى فيها

متخافوش منه ده هتلاقيه حوت 🐳 مسكين تايه ، اسير بحر مش متعود عليه فى مكان مايعرفهوش وقريب هيموت 😭

سطح البحر رايق وهادىء ازاى هيبقى تحته وحش كاسر ⁉️🤷‍♀️

اهدوا انتوا بس وسيبولى الموضوع معايا جهازى هيكشف المستخبى فى الأعماق ويظهر الحقيقة للناس ..

وركب " صالح " العالم بالبحار مركب ⛵️ بشراع مع العجوز " رضا" فى رحلة للبحث عن الحوت 🐳 الضال..

وكانت رحلة استكشاف لشخصية صالح ورضا وثالثهم فاطمة اللى جامعهم اللقاء فى بطن الحوت الضال .. بعد ما ابتلعهم لسبب هتكشف عنه الأحداث

رحلة هتعرف كل حد مقامه

وان العبرة بالنهايات وبإختيارك وارادتك كمان

ماتفرحش قوى بذاتك طالما ماتحطتش فى اختبارات

وماتحكمش على حياة غيرك وبدل ما تصدر فى أحكام الأولى تـسمع الحكاية من جميع الأطراف

وأن ياما الوشوش بتدارى و تخبى وراها شخصيات ونفوس كتير وساعات مريبة واللى تحسبه كيوت بيقلب فرعون

واللى فاكره فا*جر ومقضيها سبحان مقلب القلوب ممكن يصبح هادى وصاحب فضيلة

ويتبدل الحال من عاصى إلى صاحب ايمانيات

ووجودك فى الدنيا هو أكبر حكاية انت بتكتبها بذاتك مخير بكامل إرادتك على اجتيازها بالشكل اللى أنت حددته فبلاش ترميها على التسيير

ربك صحيح عالم بالقلوب بس سابلك باب الرجوع مفتوح … تقدر تتحكم فى المفاتيح 🔑

بس أنت اللى بترجعها دايما للمكتوب وده قدر محتوم وتفضل status quo

❞ ليس الخنوع ما ينجيك من المطاف المحتوم ❝

وزى ما كلنا عارفين " العبرة بالخواتيم " وربنا يصلح حال عباده قولوا آمين 🤲🏻💙

رواية فلسفية عميقة فى فكرتها بسيطة فى طريقتها لطيفة فى حبكتها حبيتها و فادتنى كتير ، بحب الحكايات اللى تدينى tips of the days بشكل لطيف بين السطور من غير اسلوب وعظ وتنظير

حدوتة تجمع ٣ أشخاص اتجمعوا فى لقاء علشان يعلمونا أن ماتخدش بالشكل يا أستاذ ودور ورا القلوب واسمع و اعرف القصة من كذا منظور

ولو رجع بيك الحال هتتبدل اختياراتك وتشوف الحكايات من زاوية تانية ولا هتفضل متربس المخ وقافل عليه بالضبة والمفتاح 🔐..

#مكتبة_دنيا

#قراءات_٢٠٢٢

#قراءات_أكتوبر_٢٠٢٢