"نوشك أن نخترق فعسى ألا نحترق "

فضولك حصانك إن صُنته صانك 😄

هى مش كانت لسانك 😛 حصانك 🐎

لا ما أنا غيرت المثل وخليته عن الفضول يمشى صحيح 😉

ما أنت لو لجمت فضولك هتبقى فى السليم وهتريح نفسك من تفكير كتير

وتمنع عنك أذى ممكن يصيب من خبايا عنك قاصدين نداريها علشان عليك خايفين

لكن للاسف مش كل الناس بتعرف تعمل كنترول

فيه اللى عنده الفضول معدى الحدود وأفضله يعرف المكنون ولا يتساب مغفول

بس فى حاجات حقيقى ماينفعش فضولنا يسوقنا فيها

وصلك رسالة لا تقترب فتحترق

وكملت يبقى تستاهل بقى تحترق بنار المعرفة و تتلسع وديه مش أى لسعة

ديه لسعة من " الطوارق " عيون 👀 فى الظلام ملهلبة 🔥 ولا أسنانهم يا حفيظ لو شوفتهم هتشوف الجحيم أو هتتقدم كقرابين

كله بسبب علبة تليفون 📱 فرحت بها لما لقيتها وقولت هقول آلووووو

بس اللى ماتعرفهوش ان العلبة هتغير مصيرك

وهتبقى لعبة فى ايديهم

برضه بعد ما شوفت الرسالة كملت

" لقد رمانى فضولى فى الأمر ولقد ذهبت إليه بإرادتى الحرة"

لا بدل بإرادتك شيل بس ماتشتكيش علشان مش هتنام الليل وهتقابل كوابيس

خليك ماشى ورا " مذكرات 📝 وليد " اللى افتكرتها رواية من النوع المفضل ليك ونفسك فى يوم تبقى كاتب ✍️ عظيم

بس ديه مش رواية خيال 💭 ديه حقيقة حصلت لشخص ما … لعنة الحسينى ونقمته على القرية اياها… و شجرته 🌲 ليها ٧ فروع لازم تروى فروعها بالمطلوب

وايه المطلوب ❓❓

كل المطلوب ٧ قلوب 🖤 بشرية نابضة منزوعة طازة من الجسد 😬

شوفت آخرة الفضول اديك رشقت فى المحظور… ولعبت كع الطوارق تحت الشجرة يا موكوس🙆🏼‍♀️

مبقتش من هواة روايات الرعب بقالى فترة يعنى بفضل اكتر روايات الجريمة 🔪 🩸 والروايات السايكوباتية 🤪 حتى الأفلام

يمكن علشان الرعب مبقاش يأثر فيا

الرواية مكتوبة بطريقة حلوة وسلسة ومشوقة لكن كرعب ماترعبتش 😄

بس لازم اشيد بأسلوب الكاتب المشوق

عنصر الاثارة والتشويق كان موجود وده اللى خلانى أكمل ونجح فيه بأسلوبه المتميز بالرغم من صغر سنه 💙

كتشويق اتشوقت لكن كرعب ماترعبتش وده يمكن بقى مشكلة عندى من كتر ما شوفت واتفرجت نحست 😄

ارشحها للناس اللى لسه بتخاف هتعجبهم قوى 👻😁

#مكتبة_دنيا

#قراءات_٢٠٢٢

#قراءات_أكتوبر_٢٠٢٢