مع انه خشب 🪵 في خشب في خشب 🪵 
انما يستاهل تقلة دهب 🌟 
مع انه ازاي شوف بس انت 🤷‍♀️
متركب قول ستين حتة 

انما للحق 
يقول الحق 👌🏻
الكدب 🤥دة لاء ❎الغش دة لاء ❎
علشان كدة اية
دايما تلاقية
دايما تلاقية محبوب 🥰مطلوب 🫶

مش عارفة ليه افتكرت الاغنية ديه بعد ما خلصت النوفيلا 😄

يمكن علشان بطلها خشب 🪵 فى خشب 🪵 إنما إحساسه يتقال بالدهب 🌟

3️⃣حكايات اتاثرنا بيهم وبحيوات أبطالهم على لسان جماد ايوه زى ما سمعتم 🤫بس متقولش عليه جماد ده عنده إحساس مش بقينا نشوفه عند الناس 🫤

ومن شطارتها عيشتنا فى الأجواء وخليتنا نتعامل معاه على أنه إنسان - أراهنك بعد ما تخلصها هتتعاطف مع الأشياء وهتبصلها نظرة تانية وتعمل حساب رزعة حتى الباب 🚪

وأنت بتقعد هتقعد بخفة ودلال 😉

مراعاة لشعور الكنبة 😃 والصالون المهجور اللى ترب من قلة الضيوف 😁

هنسمع حكايات البيوت 🏡 من طرف ثالث عاش مع أبطالهم لحظاتهم و تفاصيل يومياتهم

بيفتقدهم لما يمشوا 👋وبيحتاج لونسهم 🤗لما بيقفلوا وراهم الابواب 🚪 حتى لو للحظات

بيستنى رجوعهم بمنتهى الحماس 🤲🏻

هو صحيح سرير 🛌 👧🏼 أطفال بس هيتنقل بيك لـ 3️⃣ قصص كل قصة فيها اللى مأرق حياتها .. مش هما اللى هيحكوا ده الأثاث هيفضفض مع بعضيه ويحزن ويتوجع عليهم ويبقى نفسه يشوفهم مبسوطين ويرتاح بالهم وتستقر حياتهم ويفضلوا كلهم مرتبطين يكبروا مع بعضهم ويشوفوا عيال عيالهم 💙

بس للاسف كل قصة بتاخدها دوامة الحياة وتنشغل وتنسى الحيطان والأثاث اللى احتوى ايامهم ولياليهم ..

👇🏻👇🏻👇🏻

❞ فنحن وإن كنا نحسُّ ونتألم، لكننا لا نستطيع مهما حاولنا أن نغيِّر من ناموس الكون شيئًا؛ فنحن ثابتون، صامتون، جامدون وغير مؤثرين أبدًا في حياة هؤلاء الأشخاص الذين يغيِّرون مصائرنا طوال الوقت. ❝

تفتكروا لو عندكم مشكلة هتشغلوا بالكم بسريركم حاسس بإيه وأنت دمعتك نازلة بليل

بيبقى عايز يطبطب عليك … وديه سنة الحياة زى ما بنكبر وبنتألم هما كمان في منهم اللى بيعتق واللى بيسوس واللى بيتكسر واللى بيتبهدل 🥺

حيواتهم شبهنا صحيح بس احنا بهم مش حاسين …

كل قصة كان ليها حكمة … وكان فيه أزمة بس ربنا بيعدلها عاجبنى ان النهايات كانت مشرقة والحمد لله 💙🤲🏻

اصل انا فى العياط ماتوصاش

صحيح مؤلمين بس فى الآخر ربك كريم وبعد كل محنة منحة من عالم الغيب بس احنا اللى مش صابرين …😇

شابووو 🎩 على الفكرة وعلى طريقة حبكتها

حقيقى استمتعت بكل قصة واتأثرت بها ونظرتى للاشياء اتغيرت

وزى ما هما مرتبطين بيا بقيت مرتبطة بهم

وربنا يحنن قلبنا 💙عليهم 😄

🔖 ملحوظة للكاتبة : كنت ناقصة أنا بقى اتعاطف مع عفش البيت واشيل همه واشوف هو عايز ايه وحاسس بإيه 🙆🏼‍♀️

#مكتبة_دنيا

#قراءات_٢٠٢٢

#قراءات_أكتوبر_٢٠٢٢

#أبجد