❞ فأدركت في قرارة نفسي أن معظم الناس لديهم نزعة سادية بنسب متفاوتة.. وتظهر تلك النزعة على السطح حين تكون حياتهم عبارة عن سلسلة من الهزائم!!. ❝

نشأت بين ١١ اخ واخت … وماله عزوة وهيصة ودوشة وونس ياعدو اللمة 😃

بس ده مكانش الحال معاك … شوفتها دوشة عيال ونبذ وقلة اهتمام …

ماشى ممكن تعدل انت الحال وتهتم بدراستك وتطلع نبغة من وسط الأخوات

حاولت لكن ظهرت حاجات خالتك مهزوز وقفلت على نفسك مليون باب وبسبب الحاجات والمحتاجات اللى حصلت معاك مقدرتش تتكلم وسكت وكتمت وجعك جواك

ومن ساعتها فقدت الإهتمام بالحياة وقررت تقضيها موبقات شرب وسهر وبنات ماهى خربانة بقى وخلاص

ولما جتلك فرصة تتوب وتكون اسرة وتعوض اللى اتحرمت منه من زمان… حصل العكس وطلعت عليهم عقدك هما كمان وكأنك بتنتقم من قسوة طفولتك فيهم و تدوقهم من نفس الكأس

" فى أب كده يا جدعان 🥺⁉️

طيب اعمل حساب الأيام

‎❞ هل هناك أب لا يحب أطفاله؟!.. هناك الكثيرون.. صدقوني.. هؤلاء الذين يترحمون على أيام العزوبية ويرون في أطفالهم عبئا ثقيلا عليهم.. والمحاكم تحفل بقضايا من هذا النوع.. وبصراحة.. أشعر أن بعض الآباء بحاجة للتربية أكثر من أبنائهم!!

❝

يا شيخ منك لله 😭 … ولا قدمت تنازلات ولا ضحيت بأى شىء علشان البنات … سبتلهم وجع الفراق والحرمان من جو العيلة وسند الأباء…غير سمعة مهببة بهباب..

وتبدأ الرواية فى التحولات بخروجك من السجن بعد 8️⃣ سنوات… تفتكر 🤔 هتعرف ترجع الماية لمجاريها وتعوض اللى فات

طيب تفتكر هيسامحوا وينسوا اللى كان

ولا أنت فعلا اتغيرت من الاساس وعايز الزمان يرجع وماترتكبش نفس الأخطاء 💁🏼‍♀️

الرواية بالنسبة ليا منقسمة لجزئين

الجزء الاول عيشتنى فى جو التفكك الاسرى وعقد الطفولة اللى عاشها بطل الرواية واثرت على حياته المستقبلية وادت لسجنه وكنت فاكرة الموضوع هيكمل على كده

وطبعا جو العقد والكلاكيع ديه روحى روحى روحى فى الروايات

😍😍😍

بسسسسسس ⛔️

تبدأ المرحلة التانية من الرواية تاخد طابع غريب مع شوية غموض على تاتش رعب خفيف

مع حبة سايكوباتية خليط كده عجيب 😁

النهاية كانت مفاجأة وبرجلتنى … لانها بجد مش متوقعة

هتسألونى طبعا يعنى عاجبتنى ‼️‼️‼️

🙋🏼‍♀️ هقولكم هى خليط متعرفش تحدد انت حبيت اى جزء فيه بس الحلو ان فكرتها جديدة وتخض..

بس خليك عارف انك

👇🏻👇🏻👇🏻

#لو_اخترت_الخلود_ماتزعلش_يا_أمور

#مكتبة_دنيا

#قراءات_٢٠٢٢

#قراءات_سبتمبر_٢٠٢٢

#أبجد

Abjjad | أبجد