ولع
خميلة الجندى ...١٦ سنة ❤️
#كتوبيا_للنشر_والتوزيع
#أبجد
أول حاجة استفزتنى إنى أقرأها هو اعلان الأستاذة خميلة ان دى من أولى محاولاتها فى الكتابة وهى عمرها ١٦ سنة ❤️
الرواية رومانسية ورغم إنى مش من هواة اللون الرومانسى لكن ده تحسه هادى كده ولطيف مش ملزق ❤️
شعور غريب راودنى طول الرواية إن خميلة هى كل البطلات هى الإبنة وهى الأم وهى الجدة او هى موجودة بصورة او أخرى فى الرواية وده شئ أول مرة أختبره ومش شايفة له تفسير غير إن عطر القلم الشاب قوى وطاغى ❤️
الرواية فيها جمل واحساس عالى جدا وقدرة على التعبير تنسيك إن كاتبتها ابنة ١٦ ربيعا ❤️
وفيها برضه سنة لخبطة فى الحبكة تفكرك إن كاتبتها ابنة ١٦ ربيعا 😃لكن مش بتضايقك خالص بل بالعكس بتبقى مبتسم وعاوز تطمنها وتقولها متخافيش انتى هتبقى من العظيمات يا بنتى وهتحفرى اسمك بالنور وسط كل الناس الكبيرة ❤️
خميلة برافوا عليكى ❤️
انتى سابقة سنك وكل اللى وقفوا وراكى ودعموكى أكيد فى منتهى الفخر بيكى دلوقتى ❤️
خميلة الجندى ....فى كل مراحلك ...تشرفت جدا جدا ❤️