رواية لطيفة جدا وبتحكي عن مفارقة عجيبة.
سينتيشكا الفتاة التي تعيش في عام ٢٠١٨ و عندها هوس غير طبيعي بالتكنولوجيا والسوشيال ميديا ومستغرقة بشدة في عالم الواقع الافتراضي.
وفيتيا الفتي الذي يعيش في عام ١٩٨٠ في قلب الاتحاد السوفيتي معقل الشيوعية وإلي عنده روح قيادية وكان رئيس اتحاد الطلبة والمنظمات دي كان ليها دور عميق في وقتها.
الرواية جاية تقولنا ايه الى ممكن يتغير في العالم في ٣٨ سنه بس من عمر الكوكب المقدر بملايين السنين، ازاي التسارع التكنولجي الضخم بيأثر في حيوات ونفوس البشر.
المفارقة العجيبة هوه ان كل من سينيتشكا وفيتيا بيصحوا الصبح يلقوا ان كل واحد عالمه اتبدل لعالم الاخر وحتي الادوار اتبدلت يعني كل واحد فيه اخد مكان التاني.
هنشوف بقي ازاي سينيتشكا هتعيش في الاتحاد السوفيتي حيث لا وجود للتكنولوجيا والسوشيال ميديا وحيث الالتزامات الى كانت مفروضة علي دور فيتيا وإزاي سينيتشكا إلى كانت عايشه في فقاعة كبيرة واغلب حياتها علي الواقع الافتراضي ب اسم مستعار هتتعامل مع مشاكل فيتيا الضخمة زي مشكلة كعكة جدة جينيكا الى عملتها بمناسبة عيد الفصح وده فعل ديني بيمثل جريمة في الاتحاد السوفيتي تصل عقوبتها للقتل ف ازاي سينيتشكا هتتصرف في مشكلة ضخمة زي دي.
وازاي فيتيا هيتصرف ف عالمه الجديد وازاي بروحه القيادية هيقرر يساعد زمايل سينيتشكا إلي عندهم مشكلة كبيرة وخوف مرضي من تجاوز امتحانات الشفوي لان التكنولوجيا جعلتهم معندهمش قدرة في التعامل مع البشر.
هنشوف فيتيا وسينيتشكا كل واحد هيتصرف ازاي في عالم غير العالم بتاعه.
هنشوف ازاي سينيتشكا هتعيش من غير تكنولوجيا وترجع لكتب الورق وإلتزاماتها في منظمات الاتحاد السوفيتي ومنظمة الرواد والمحظورات والافكار المختلفة وإلقاء الضوء علي واقع الناس في الإتحاد السوفيتي، لدرجة انها استغربت انهم بيشربوا من الحنفية بدون فلتر.
وهنشوف إزاي الإنسان هوه الإنسان مهما تم مسخه بالتكنولوجيا فهوه مازال في قدراته تفعيل ضميره والقيام بدور البطولة.
❞ أنا ذا قد عرفتُ الآن على وجه اليقين أن السعادة موجودة، وأن السعادة شيء بسيط جدًا. السعادة عندما يدق قلبك، عندما تحبُ العالم بأكمله ❝
في المقارنة بين الماضي والحاضر، طول عمري بشوف ان الحاضر اسهل لكن الماضي كان اسعد وقلة وسائل الترفيه كانت بتجعل الناس اكثر رضا واستقرار نفسي واكثر سعادة.
❞ أنا ذا قد عرفتُ الآن على وجه اليقين أن السعادة موجودة، وأن السعادة شيء بسيط جدًا. السعادة عندما يدق قلبك، عندما تحبُ العالم بأكمله ❝
#حصرياً_على_أبجد_مع_العربي