الرواية : #أصدقائى_الموتى_شكرا
الكاتب : #محمد_جاب_الله
عدد الصفحات: ٢٠٩
دار النشر : #دار_البشير
لماذا اخترت أنت تكون طبيبا شرعيا ❓
السؤال الصح ✅
وليه ما اختارش ابقى طبيب 🥼 شرعى 🤷♀️
ده سؤال اتسأله الكاتب قبل ما يعمل شيفت كاريير ويبقى من طبيب 👨🏻⚕️ طوارىء لطبيب تشريح
قالك
" الموتى لا يكذبون ، يخبرونك بالحقيقة ، أو فقط يصمتون"
بس الحقيقة ان التعامل مع اهل المتوفين اصعب بكتير من التعامل مع الجثامين… ⚰️
ساعات بيداروا الحقيقة عن دكتور التشريح لانهم شايفين يفضلوا مغمضين عينهم 🫣 عن الاسرار اللى مستخبية ورا المتوفين افضل ما يتم التشريح…
وكلام الناس يبقى كتير…
اصل غالبا اللى بيطلب تدخل التشريح
بيبقى شاكك ان المتوفى ما ماتش فى السليم
لا ده بيبقى غالبا جريمة 🔪 وفيها قلق 😬 ولغط كتير وعلشان يقطعوا الشك باليقين لازم تدخل حد من المتخصصين …
يفحص ويمحص الحالة اللى قدامه بالتفصيل ويعرف الضربة جات منين
وقرر الدكتور 👨🏻⚕️ " مصطفى " أنه يقف فى صف الميتين ويجيب حقهم يمكن اهله يدعوله دعوة من قلبهم 💙💙
" 7️⃣ " قضايا يتطلبوا دخول الطب الشرعى فيهم
وكل قضية ليها تفاصيلها وطريقة غير فى تحليلها
هيشاركك كم معلومات عن كيفية الوصول للى عمل ايه فى فلان
وياترى اللى عليهم علامات استفهام ⁉️ واتحفظ عليهم من النيابة بعد التحقيقات
هتنطق الجثث ببراءتهم ولا هتأكد تورطهم ❓❓
المجموعة مش هينفع اقول لطيفة 😄 لانها قضايا وجثث وتشريح
لكن هقول طريقة سردها كان لطيف مشوق ومتعب فى نفس الوقت لما تتخيل ان ممكن بعض القصص تبقى فيها جزء من الحقيقة مع تغيير الاسماء والمكان حفاظا على سرية الحالات واضافة جزء خيالى💭 شويتين علشان يناسب جو السسبنس والتشويق مع أنى متاكدة أن المشرحة فيها قصص اقسى من اللى ذكرهم الكاتب
بس كويس انه حب يعيشنا تجربته فى صورة مجموعة قصصية مخففة فى جرعتها ليها طابع كوميدى على دراما على رعب واقعى فى بعض الاحيان
اول تجربة مع الكاتب ✍️ وكان ترشيح من صديقة
سناك خفيف مع شوية جثامين 😄 تفصل به بين اعمال تقيلة 🤭
#مكتبة_دنيا
#قراءات_٢٠٢٢
#قراءات_أغسطس_٢٠٢٢