الرواية: عودة السوفيتي.

الصفحات: 256

#حصرياً_على_أبجد_مع_العربي

~~~~~~~

الزمان: ١٩٨٠ و ٢٠١٨

المكان: روسيا مابين "المدرسة والمنزل"

الشخصيات: ١/ فيتيا الصبي الذي ينتمي لسنه ١٩٨٠

٢/ سينيتشكا فتاة داخل bubble السوشيال ميديا في ٢٠١٨

الحدث: يتبادل الطفلان الزمان ليجد فيتيا نفسه في عام ٢٠١٨ حيث التقدم التكنولوجي وعدم وجود اثر للاتحاد السوفيتي.. وتستيقظ سينيتشكا المهووسة بالتكنولوجيا لتجد نفسها بدون اي أجهزة حديثة أو تطور تكنولوجي في عام ١٩٨٠ مع وجود الاتحاد السوفيتي.

~~~~~~~~~

❞ «لماذا ندرس؟ نحن نعيش في عالمين مختلفين: عالم حقيقي وعالم افتراضي لماذا تحاول المعلمة انتزاعنا من العالم المألوف لنا، لتمارس عملها؟ في عالمنا الافتراضي ليس لدينا حدود، نحن جميعاً سواسية نحن في هذا العالم ليس لدينا منازل ونوادٍ، لكن كل منا يكون كما يرغب، نحن نعيش هنا بشكل جيد، اتركينا وشأننا ❝

- الرواية فكرتها حلوة جداا وع رغم البساطة في السرد لكن في عمق في الفكرة.. فرق ٣٨ سنة كفيلة أنها تحدث تغيرات اجتماعية وسياسية ودينية.

- الرواية بتناقش تعامل المراهقين والاطفال مع التكنولوجيا وازاي بتأثر ع حياتهم الاجتماعية ونفسيتهم .. وازاي أنهم بيعيشوا في حياة افتراضية بعيدة عن الواقع بصور مستعارة واسماء مستعارة "مش عايشين حقيقتهم".

- الطفلين مش هيتبادلوا الفترة الزمنية بس لا دول هيتبادلوا الأدوار والمهام والمسئوليات... فمثلا فيتيا اللي كان رئيس اتحاد الطلاب في سنة ٨٠ هيساعد زمايلاه " اللي هما زمايل سينيتشكا" في سنة ٢٠١٨ واللي بيعانوا من social anxiety أنهم يتغلبوا ع خوفهم ويعدوا من الاختبارات الشفوية لأن بسبب عالمهم الافتراضي ففقدوا مهارة التواصل مع الآخرين.

- طب يا ترى سينيتشكا اللي مكنتش بتسيب موبايلها من أيدها هتعرف تتعايش سنة ٨٠؟ الإجابة اه وهتساعد وتدعم جينيكا اللي كعكعة جدته اللي عملتها في عيد الفصح عملته مشكلة كبيرة في المدرسة وكان متهم بتهمة المجاهرة بالإيمان وإعلان التدين!

" ودي كانت تهمة كبيرة جدااا في زمن الاتحاد السوفيتي والشيوعية"

~~~~~~~~~

-الرواية في المجمل مفيدة وعرفتني اكتر عن نمط الحياة في وجود الاتحاد السوفيتي واللي تتفكك سنة ٩١.

- واتعلمت من الرواية أن ٣٨ سنة دا رقم مش كبير بس ممكن يغير المجتمع سياسيا واجتماعيا واقتصاديا وثقافياً تغير جذري.

- الترجمة كانت لطيفة.. والرواية نفسها خفيفة

- الماضي اجمل ولا الحاضر؟ .. الوقت دائماً جميل ❤️

- اصعب حاجة في الرواية هي الاسماء 😂