كنت لسه بتناقش مع صديقه فإن أي حد يطلب ترشيحات فانتازي تلاقي الاعضاء في الجروبات ترشيحهم نمطي علي اسم كاتب او اتنين مش بيتغيروا ، هل عشان عندنا نقص فالجانب ده ومفيش فيه إجاده ؟ أو في ناس بتحاول تكتب فانتازي بس مش بيكون ببراعة كتاب قليلين بنستحسنهم وأعمالهم ليها تأثير علينا وقبول عندنا ؟
الروايه دي مزيج بين الفانتازيا المبنيه علي معلومات وحقائق والسياق المرن الجميل اللي متحسش معاه بملل أو فتور ،
تدور أحداث الروايه في أزمنه متقدمه جدا ، يكون لمصر فيها الصداره العليا في مجالات شتي خاصة أمور الفضاء ، احداث كتير هتطرأ علي كوكب الارض هيكون لعالم مصري فك شفرتها ،
تنافسيه وصراع بين قيادات دول العالم ، اتفاقيات لم يلتزم بها أحد ، انتقامات كبري كفيله بمحو البشر من الكوكب ، الكاتب أقحم أموراً سياسيه بشكل سلس للغايه لأجل إيفاد القارئ بالمعلومه،
الروايه فيها معلومات حقيقيه والكاتب ذاكر مصادره في اخر الروايه.
ولكن في النهايه الانسانيه تنتصر.