العلاقات اامؤذية مالهاش كتالوج

مبتفرقش بين عامل و دكتور 👨🏻‍⚕️

دارس فى مصر 🇪🇬 ولا فى چنيف

كله فى الأذية بوشين ✌🏻

"من يبدون لنا ضعفاء قد يصبحون فى لحظة أكثر من يوجعوننا لاننا ببساطة لا نتوقع منهم ذلك"

وش الملاك يجيب الضحية برجليه ومزاجه

لخانة اليك ♟

وبوش التسلط وهووووب يحبسه بقشاطين

قشاط الحب والاهتمام 🥰🤗

وقشاط العوز والإحتياج 🥺😞

تفضل الضحية بين نارين 🔥

وتدى لنفسها المبررات على المعاملة السيئة والجفاء

وتجيب الذنب على الدماغ 😢

اصل هى اللى فيها وفيها كمان

ما يمكن هى اللى مش مقدرة كمان

لا بس ازاى 🤔

اللى يحب ميعرفش القسوة والغيرة والاهانات

ده بيشيل الحبيب فى العين وعلى الرأس

ده المفروض يا حلويات اتعلمى وارفضى الذل واقطعى العلاقات

بس أصل أنا مش قادرة على الفراق 😏

طيب يبقى استحملى الإستغلال وإلغاء شخصيتك والبعد عن الأصحاب 🤨

بحجة الغيرة وقال ايه بحافظ عليكِ من الناس

مش قصده يلغى شخصيتك من الحياة ولا يقلل ثقتك فى نفسك ولا اى بتنجان 🙅‍♀️

مش أصحابك قالولك اهربى بسرعة منه ده سام ☠️

هيأذيك بدليل أن شغلك اصبح فى خبر كان

بتابعى اخباره على الفيسبوك والانستجرام وبتدورى عليه فى كل مكان 👀

افتكرى مواقفه القلة وارجعى لعقلك قبل فات الأوان ☝🏻

بطلى تدى مبررات اكيد انتِ الكسبانة فى النهايات

ومتخافيش من الإحتياج هيعوض اهتمامك بنفسك وإثباتك للذات 😎

وتشوفى نفسك وتعوضى سنين حرمان من النجاح

خدعة الفلامنجو خدعتنى فى البدايات

هى مش قصة ورواية هتلاقى فيها تقاصيل واحداث على قد ما هى درس للضآلين فى العلاقات هتلاقى نفسك فيها مع شريك او صديق او حتى قريب

الناس اللى أتآذت من حبيب فهتيجى على الوجع وتضغط بالعشرة

بس محبتش فيها التشبيهات بعالم الحيوان حسيتها فيها قلة ونقصان وكمان بعض المبالغات فى الوصف للعلاقات الحيوانية الشهوانية غير لائقة تماما بالنسبة ليا وتشبيه للعلاقات البشرية

بقى عندى خبرة بموسم التزاوج لأغلب العلاقات الحيوانية 😃

وزى ما قولت خدعتنى بأنها رواية لكن لقيتها نوع من انواع التوعية عن العلاقات المؤذية اغلبنا قابله الأصناف المقرفة اللى تكرهك فى نفسك وفى دنيتك 😄

👇🏻👇🏻👇🏻

"أننى مريضة بحب غير الأسوياء"