...: يا استاذة دينا ، يا استاذة دينا .
ا.دينا : أيوة يا ستي عايزة ايه ؟
..: يعني ينفع كدة يا استاذة دينا مدياني دور الصحفية اللي مشاعرها رهيفة وليها ذكريات حزينة وبتحاول تعمل جامدة ادام الناس!
ا.دينا: وماله يعني يا ستي فين المشكلة!
..: انا عايزة دور واحدة فرفوشة وبعدين جرايم قتل واكشن ايه كل دة ، لا مش لاعبة!
ا.دينا: لاعبة! لاعبة ايه يا بنتي وبعدين انا اللي اخترعتك يعني ممكن امسحك دلوقتي . خافي على نفسك بقى ها 😏
..: طب ليه بس كدة يا ا.دينا ما احنا كنا كويسين ، وبعدين ينفع يعني الظابط اللي هيبقى معايا دة
ا.دينا: ماله هو كمان ، يعني كمان بتتعدي على ادوار الآخرين . خلي بالك حسابك تقل اوي .
..: يا استاذة دينا
ا.دينا: يييي، انا اللي جبته لنفسي . مالك يا عم انت كمان؟!
..: يا استاذة دينا ، انا طالع في دور ظابط هيبقى عصبي في الاول مع البني آدمة الغريبة دي صح؟
..ادينا: صح
..: طب ليه يا استاذة دينا هحبها في الاخر ، ما انا ممكن افضل شرس واسجنها أو اعذبها !
ا.دينا: تعذب مين يا ابني! انا الغلطانة أن أنا إنسانة ديمقراطية وقاعدة اسمعلكو كل دة ، عاجبكو الأدوار ولا اجيب ناس تانية؟
..: لا عاجبانا ناس تانية مين .
ا.دينا : موافقون يعني
..: موافقون طبعا .
ا.دينا: خلاص هكلم الدار واتفق معاهم .
..