"هناك قصة وراء كل إنسان … هناك أسباب تجعله بالصورة التى هو عليها "
واحنا سيد من يصدر أحكام 👨🏻⚖️ويبنى عليها أى كلام 🗣قاعد لوحدك فى بلكونة بيتكم 🏠راصد اللى داخل ➡️ واللى خارج ⬅️من البيت اللى قدامكم
وهات يا أفلام 🎥
ده داخل فى ايده المدام 👫
ما يمكن مش المدام وتكون واحدة ما 💃عرفها فى سهرة كده ولا كده كمان😉
شوف الراجل البصباص 👀سايب أم العيال وماشى مع واحدة قد البنات 👩🏻🦰
وديه كمان الست عدلات 👵🏼قاعدة لوحدها يا غلبااااه ما طبعا تلاقى العيال الأندال سايبنها من غير أى اهتمام 😥
وده الساكن 🧑🏻🦱فى الدور اياه سينجل كده وحياته مريبة شكله انطوائى و عمايله غريبة
حكايات حكايات 📚بنستشفها من مجرد نظرات 👀عابرة بنخطفها خطف من حيوات الناس ونرسم 🧑🎨قصص ولا فى الخيال 💭ونصدقها ونتداولها ونتعامل على أساسها كمان 📣📣
وده اللى حصل فى روايتنا مع جد 👴🏼 " صغيرة " بطلة الحكاية بعد ما خلصت درستها 👩🏻🎓ورجعت بلادها 🇰🇼
فاكرة انها هتلاقى اخواتها وخدنها بالاحضان 🤗بعد غياب دام 4️⃣سنوات
لكن للاسف ده مبقاش يحصل حتى فى الروايات
كل بيت وله خصوصياته ومحدش قابل لانضمام طرف قريب بس غريب عنه ومشاركته حياته
ملقتش بيت يحتويها غير بيت 🏠 جدها اللى مقطعينه من سنين بيت مخيف ومريب 👻فيه شخص مريض بالاسم جدهم لكن فى الواقع غريب مريض بالخرف
وايه المانع ده بيت كبير ويساع كتير وهو يادوب واخد فيه سرير مابيتحركش من عليه…
بس ده بيت سمعنا 👂🏻عنه كتير امال ابونا كان مقاطعه ليه معقول تسيبونى اقعد فيه 😱
ده اتقال عليه مسكون من ممارسات جدك الملعون…👻☠️
وماله ده كان زمان ودلوقتى الزمن هده وقاعد فى السرير 🛌من غير أى كلام يعنى لا عنده قدرة ولا جاه 💪🏻
مشى حالك وكله على الله 🤫
هى ايام لحد ما تلاقى شغل وتعرفى تشوفيلك مكان..🫣
شوف الاخوات الأندال 😏
واستسلمت " صغيرة " لمطلبهم وقررت تتأقلم مع وضعها الجديد
« التعود يقتل الرعب ويقتل الغرابة «
لكن قابلها حاجات ولا فى الاحلام … ياترى ده زى ما قاله الناس بيت مليان بالاشباح وزى ما سمعت جدها كان بيقتل الناس ويمارس عليهم أسحار
ولا ديه مجرد تهيؤات ..🙄
شوية شجاعة وشوية إصرار هتعرف " صغيرة " المستخبى ورا الجدران وكمان حقيقة جدها الموصوم بالسحر والأعمال…
رواية خفيفة بس موترة فى بعض اللحظات حبيت طريقة السرد
لكن حسيت فى اواخر الرواية عند ظهور الحقيقة بعدم واقعية الأحداث.. خاصة أن الاكتشاف سابق عصره واوانه بزيادة فـ من أين ليك هذاااا الدماغ 😁 بس ما يمنعش انى حبيت فكرتها مع عدم تصديقها 🤦🏼♀️
#مكتبة_دنيا
#قراءات_٢٠٢٢